小編知道大家溫數學嘅時候遇到唔少問題，包括究竟操咩卷、操幾多、點樣溫數學最有效。所以小編整合咗過往同學遇到嘅難題，為大家一一解答。

操卷流程方面，小編建議你要咁做：

• 操卷 –> 對卷 –> 錯題簿 –> 唔熟嘅課題做 by topic exercise –> 再操 DSE Math Past Paper 

除咗要計時之外，小編建議你搵個安靜嘅場地，當係真正考試咁考。你要令自己適應考試模式，掌握好點樣分配時間，解決以下問題：

• 開卷後幾多分鐘做完 A1？
• 然後要用幾多時間做 A2？
• 做曬 A1/A2 應該要有幾多時間剩？目標應該 set 幾多？
• 遇到唔識嘅題目要點做？試幾耐先skip？

每一次做卷之前都要諗清楚，同埋邊做邊試，目標係揾到一個適合自己嘅方法。

做完 DSE Math PP 之後，對卷都要認真嚴謹以對。Marking 每一個字眼都要認真對待，有時你見你自己寫個d野，意思都好似同marking差唔多，但其實漏左d keywords 已經可以無晒分！ 你亦都可以留意下，邊D位比分，令到自己就算唔識條題目都可能因為有寫d steps 而有分拿！

對完卷，記住要整 DSE數學筆記 同埋錯題簿，等自己再溫嘅時候都會溫得快d，下面有講，記得睇埋呀！