2009-04-23 17:40:55Yakult
塔門-太平清醮
14/4/09-19/4/09 是塔門聯合高流灣、三門仔、吉澳等地方第廿一屆塔門聯鄉太平清醮，十年一次咋。咁巧合那個週未我應承左行友去塔門露營，順理成章去參與這次難得既醮會。 星期六一早入到西貢碼頭已經見到舞獅，好似話因為當日係天后誕，其他地方都有慶祝活動。
10:45左右係黃石碼頭已經有好多人等船，要警員維持秩序。太平清醮有咩咁吸引? 去到塔門碼頭就知啦，所有船上掛了色彩鮮艷既彩旗，海上有朵大蓮花，島上放了多個大大的花牌，四處都是花燈、小蓮花等飾物，還有木偶劇、大戲睇，最緊要唔怕冇船走，廿分鐘一班船免費接人走，又有夜班船和巴士等到完場11:00。食個方面仲好，14/4-17/4有免費齋食，係咪5星級享受呢。
另外，見到d鄉親父老聚舊，笑到四萬咁口，真係好開心架，雖然落雨，都冇影響大家既心情。