麥徑第三段
日期: 9/1/2005
時間: 9:45 – 15:00

今次由北潭坳出發，經過牛耳石山，岩頭山，係經過左都唔知既嶂上小休同埋食碗滑流既豆腐花就登上畫眉山…。因為好大煙霧，只能隱約望到好有漁村feel既榕樹澳，還有雷打石(被雷打中…..高高懸掛在山上既大石)。大休後，就要一直上好甘既山–雞公山 (三個差不多高度既山尖並排，有如雞冠)，看似好辛苦……不過上山就唔多覺，落山就行左幾百級石級先到終點水浪窩。
事次旅程都幾舒服，又同d行友有講有笑，聽下佢地d長輩既見聞，仲發現行山原來可以令人青春d架…….有個行者唔講都唔知佢有六十歲，已經係婆婆級啦，仲有精力乘幾日火車上大陸偏遠地區……好利害呀﹗

出晒名既我要d長輩照顧返轉頭……不過今次我冇衰到…狀態大勇添，因為有小獵犬壯膽嘛 =P