20/6 星期日

今日係Daddy節,daddy一朝早起身去打波,我又要去自修室,陪唔到佢地去飲茶,可惜!!我幾個禮拜冇同過屋企人飲茶,之前個個禮拜日都一定會去,而家唔去好唔慣!!

今日Ilin著左條好可愛的裙仔黎...haha!!斤二唔講起我都唔識笑,但斤二一講我就激發起我的豐富想像力!!『火腿神仙』,笑到我好辛苦,Ilin狂搣我,唔係摵腰就係搣大脾,我真係可憐,成日都要俾人虐待!!之後Ilin幫我整番隻眼,我終於唔洗再單眼皮,哈哈!!果剎那我係十分之興奮,單眼皮的問題困擾左我好幾個月,細心觀察的人一定會留意到我近幾個月隻眼係大細超,我自己整極都整唔到,但估唔到我Ilin幫我整兩整就可以將我隻眼回復原狀,聖手啊!!Thanks!!

返到屋企休息一陣就送禮物俾daddy,我送的衫佢唔會話唔靚,更加唔會話唔鍾意,有個咁疼我的daddy,已經好好的了,唯一唔好就係我地的關係特別生疏,冇乜話題傾,佢又成日唔0係屋企,佢夜晚返屋企食飯,我又會出左街,唉~~我好羨慕其他父女可以攬頭攬頸咁親蜜呀!!

夜晚出去美麗華酒店食dinner,突然俾我發現有個超月巴的ＢＢ仔,勁得意可愛,我見到ＢＢ仔個咁肥,我就會好興奮,實在太得意了!!個ＢＢ仔著左件紅色Owen 10號波衫,佢把聲ka ka聲好得意,十分過癮!!