今日係今個月內第一次同雯雯食飯~~

朝早打比佢叫佢起身....

點知佢個電話唔通....原來佢無交電話費...

仲諗住繳費靈幫佢交.....-_-"

我五點半其實可以收工......

但佢七點三先收得.....

所以喺公司做埋d星期四既工作.....

睇埋晨操....七點三去到佢公司樓下....

點知我一去到佢就落黎....

去左北角食飯...勁正！

去埋睇公仔....就同佢搭地鐵....

不過佢只係比我送到荔景......

之後我回家了~~

但我們成晚把口同哈哈聲都未停過...十級開心

-----------------------------------
另外....朋友們.....

我和她不會在一起

因為今晚同佢講左了....

但係係用whatsapp，唔係話唔夠膽講

只係我好知道佢性格，佢唔係好識拒絕人

所以我要好好維護佢，唔可以當面嚇親佢

點解咁肯定佢唔接受？

其實好易架遮....

我成日對自己既朋友講，

「最容易睇對方鐘唔鐘意自己，

睇下大時大節對方有無約你或比你約就知架喇！」

另一方面，今晚喺荔景，有一個動作...

呢個動作最confirm唔會一齊架喇

所以有好多事，唔駛乜都要講出口先明白....

始終我係將佢既感受擺第一位

當然...佢對我好好，但好早已經睇得出係好

朋友果種，有睇我之前既blog既朋友就知我老

早講過架喇，所以.....我好清醒，係清醒到不得了

前幾日....我blog寫

今日比人話我︰「孤注一擲.....你覺得值得咩？」

我︰「值得！」.....

無論將來係點都好，依然係值得

其實係我朋友話我對雯雯孤注一擲，值得咩？

我而家依然可以講︰值得

靜雯都同我講過︰大部份人都係咁架啦...

你朋友對你好咋.....

我知道呢個朋友對我很好，好多謝佢

但我真係唔可以容許我的感情中有其他人

其實佢開心便可以了，

被拒絕後，失望有少少，但無想像中既唔開心，

可能一早已經預左，

但我叫大家有一排都唔好搵住

好等我有一個緩衝期

另外，都有朋友問我點解咁想要「綠悠雅苑」，

我打埋出黎勒....係因為當時覺得，

如果真係同雯雯一齊左，諗深d第時如果

結埋婚，「綠悠雅苑」喺青衣，好近荃灣，

將來雯雯要返屋企甚至如果大家嘈交的話，

佢返荃灣都會快d，而且我都會放心d

因為我知道佢屋企人對佢黎講好重要

我當然想佢近住佢自己屋企多d，想佢開心

而準備緊比雯雯既禮物，都會遲d比佢，

等埋靜雯幫我搵既野...一次過送比佢

佢話應承過我既野（貼士比賽獎品）

都要比我.....呢個女仔對人的確好好

所以後期既時候，我明知佢係當我朋友，

我都努力d等佢開心，有時唔駛乜都講回報既

佢開心幸福就夠晒啦

佢成日同我講︰你對我係100分

呢個傻瓜.....其實我用了唔少我對女朋友既方式對佢

當然有所不同

放心喎朋友仔，我乜事都無喎^^（真心之中既真心）

可惜我令身邊好多睇好我地既人失望，

唔好意思，不過真係唔駛擔心，

應該好快會繼續尋找

仲有，朋友們，我的blog在新年前的某一天

會停止再update，我想用打blog既時間做多點

其他的事，感謝這八年來朋友們的觀看

不過不會刪左個blog，好讓朋友睇番大家以前發生，傻更更的事情

最後，多謝佢曾經對我好既一點一滴，

祝佢有一個更好的男朋友