點解要同bobo果一篇日記分開打？

因為我都想有一篇專for bobo既日記丫嘛....

講番其他事啦！

星期四一早約左嘉穎去街

所以約左六點半喺sogo門口等

呢個遲到大王居然無遲到喎....-_-

一見到面就講唔停啦....兩條友仔行左去皇室堡

我同佢講bobo....嘉穎問我做乜唔陪阿儀..

我答︰駛乜你教丫！佢叫我陪你去街唔駛陪佢咋.....如果唔係今晚就推左你啦-_-

（我地係成日都咁樣寸對方架啦....識左十幾廿年...好難恭恭敬敬....哈哈）

行左去玩具反斗城....細細間咁既.....唔同以往有好多條街架喎...

之後我地就搭車去搵野食.....

佢行行下送左包喺美國帶返黎既糖比我...哈哈...多謝呀....

搭車途中佢俾佢既畢業相比我睇....

左︰偉麟個妹　中︰嘉穎　右︰偉麟

呢個偉麟仔......幾時肯返黎呢.....=_=

之後去到目的地食飯啦

就係去之前幾晚同阿中去過既餐廳食...貪啲野好食兼靜...傾到計

wow~~~未食過咁嫩滑既燒春雞呀....哈哈哈哈

結果我地兩個喺果間餐廳食飯...飲野...傾計...

足足兩個幾鐘頭先至走呀...

嘉穎返黎....多左一個我可以傾心事既好朋友

難得佢成晚眼碌碌咁望住我講...哈哈哈

好多謝佢既支持.....

之後就送佢去搭地鐵...

我同佢講︰我唔送你返屋企啦！！今時唔同往日~~hahahha

佢大笑話︰明架啦~~~

上到車同阿儀傾左陣計...見佢心情好返好多...我都安樂晒....

---------------------------------------------------------------------------

星期五....因為之前阿邵傾個新programme有啲甩漏....

要我執手尾.....好煩呀....成朝都喺度對住個keyboard試野

打到指甲都爆埋...........................-_-

最後都係要老細...我同其他幾個同事商量諗新辦法

收左工之後....我一早答應左阿儀幫bobo買祭品

阿儀驚我趕唔切收工....驚我會好趕...叫我唔駛一定買...佢買都得...

但我想為bobo做些事....所以我堅持要做囉....幾咁硬頸...^^"

最衰係遲左三個字收工....鰂魚涌又無紙紮舖....

最近既係西灣河或者北角.....

所以就落左西灣河....諗住條路會順啲

五點九收工.....六點二先至到紙紮舖....

買左我需要既野之後....諗住搭小巴去觀塘接阿儀收工啦

點知無小巴....焗住要行去搭地鐵

行行下知道實趕得切接阿儀....就慢慢行啦

七點...接左阿儀收工...佢搶左袋祭品想自己拎....

可能佢驚我攰啦....但我都係搶返黎拎...哈哈

坐小巴出返旺角....途中錫錫...又講下笑咁....好開心...

最攪笑係喺搭緊電梯既時候...我索吻...

企高一格梯級既佢...即刻擰轉頭錫左我一啖...錫完仲望住我笑....

好似返左去以前初初拍拖既時候....

其實我對佢....依然喼住初初拍拖時既感覺

以我黎講.....已經好難得......-_-

之後送佢返屋企...講開bobo....

佢話︰「無論bobo點咬阿妹都好..阿妹都係一樣咁錫佢架....」

我話︰「真正愛對方....先至係俾對方咬幾多次都會咁錫佢架嘛....」

呢個傻婆...唔駛兩秒已經知道我想講乜啦....哈哈...兩條友喺條街大笑起上黎

佢仲話︰「咁咬多幾次睇下係咪真係咁愛先！」

我打左佢一下︰「你就想！~~~~-_-"」

我地識左咁耐...拍左咁耐拖....根本好多時都好有默契了...

呢啲事...好多時都可以引證得到....

亦係我唔捨得呢一段感情既「主因」

要重新建立過另一段類似今次同阿儀既感情

坦白講，我並無信心

之後我自己去左大角咀食飯....再行去南昌搭118回家

----------------------------------------------------------------------------------------------

今次bobo呢件事....我更加感受到阿儀係一個好有愛心既女仔

我亦都感受到....正如阿yen所言....

「其實我喺阿儀心目中係有一定地位.....」

雖然我唔知道可唔可以同佢走到最後....

但最低限度....我知道阿儀喺緊急去緊醫院前...

都不忘send sms比我同佢分擔佢既憂心...

我都知道阿儀喺最唔開心...喊緊既時候...

都會打電話比我同我講.......

雖然大家有機會離開大家....但既然有如斯刻骨銘心既感情喺我們之間盤旋...

已經係最值得懷念的事情