上星期六.....成個家族一點已經齊集中環....

因為婆婆生忌....全部人都要到....

一點....姨媽帶住飛飛+承智..

坐左喺中環行人天橋下面...

可能天氣實在太熱....

飛飛坐到個款好好笑...

而承智仲病埋...

一去到...買晒拜婆婆需要既野之後....

姨媽叫我抱住承智...

可惜承智唔比我抱.....

姨媽同承智講︰你唔認得表叔嗱？儀姐姐果個呀！

（我心諗.....點解而家要講儀姐姐...承智先認得我既？=_=）

最後佢都係唔比我抱...姨媽話佢可能病病地既關係喎....

個個都問點解我女朋友無黎....

佢要返工丫嘛!

拜婆婆+契媽既時候....同佢地傾左一陣計...

希望佢地會保佑我同阿儀永遠都咁開心...

希望佢地會保佑屋企人身體健康!

拜完之後...就例牌落去附近飲茶....

本身好攰既承智即刻生猛晒~~

走黎走去~~

姨媽話好耐無試過咁齊人飲茶啦~

係呀~真係好耐la!係爭二表哥同阿儀..

我拎喺澳門買返黎既棉花糖比d小朋友食..

佢地好開心呀!!!haha!!

阿儀仲用同飛飛傾左陣計tim~~haha!!

之後就返左屋企lu!

星期日....阿儀個同事結婚....

阿儀晏晝去左深水埗搵個同學紮頭.....

我當然去左深水埗接佢啦...

接佢既時候....

佢靚既程度引來途人既注目.....

同佢搭巴士去上環...

喺港澳碼頭落車....嫁巴士埋站既時候...

喺我地相距不遠既玻璃被隔離巴士既倒後鏡壓爆左....

好彩無坐咁前咋.....

事後好彩無乜乘客受傷...得一個伯伯個頭被玻璃碎片界損.....

已經係不幸中之大幸了.....

送左阿儀去酒樓之後...

我就返左屋企...等待接返阿儀返屋企....

晚上十點三...準時到返西港城接返女朋友仔~

星期一....女朋友仔話病病地....

多數係我傳染左比佢...對唔住呀!

十一點幾上左去佢睇開既醫生....

我地兩個一齊睇....d藥都係一樣既....

星期二....我接手左阿興既load績工作...

我一向認為全公司最難係呢項工作...

結果喺阿興唔在場之下竟然自己load到呀!!

哈哈哈!!!仲load左兩次出黎...

好有成功感....

呢份工令我最開心既係....

老細好放心比我學好多野...

令我勁有成功感同滿足感!

返到屋企....夜晚同女朋友仔傾計既時候...

梗係特別提到呢件事...

 女朋友仔勁開心呢~^^

傾計之餘....

仲同女朋友仔講左一d心底話....

係我從來都未同人講過既...

足證佢喺我心目中既位置好高....

同佢感情愈來愈好既時候..

有好多心底話都可以同佢講出口了....

未必係情情塌塌既說話...而係一d好真誠既說話...

2013年準備迎娶呢一位好女朋友...

所以要繼續努力儲錢.....

朋友們,約我食飯..最好揀一d平平地既野!

小弟要為阿儀努力!

早前同女朋友去買左一枝雪花膏...

咁岩個到期日子係2013年...

女朋友仔成日都話︰呢枝野到期既時候就係我地結婚既時候啦...哈哈!

所以女朋友仔成日都好想枝野快d到期...haha!

我地仲打算將我地既四年前既事+重遇+最後一齊左...

呢一個故事話比仔女聽....

等佢地知道嗲哋媽咪呢段咁「可歌可泣」既愛情...haha!

最近夜晚同媽咪食飯既時候..

都成日同我傾阿儀既野.....

睇得出媽咪對佢好滿意!

另一方面...台灣風災....

我家人and朋友都擔心身在台灣既阿中...

打極電話佢都唔聽....

令人有d擔心.......

但係佢早前仲喺msn寫住︰

「颱風一樣姓莫耶~~哈哈」

佢咁輕鬆...都唔方有事得去邊啦.........

而偉麟仔8月11日生日~~

生日快樂呀!!^^