今日朝早...同偉麟傾左一陣電話...
佢話想認識吓安琪...
佢話見到安琪同阿中d言論好好笑..
哈哈...佢叫我比佢msn比安琪...
不如咁啦..我擺偉麟仔個msn喺度...
邊個想認識吓呢位傳奇人物...
就add佢啦..哈哈哈!!!不過我問下佢意見先!!!

今日晏晝..同d同事去左飲茶...
好開心呀!!!~~好耐無試過一齊飲茶了...
我一路食個咀一路痛..食食吓無咁痛..
仲食食吓唔痛tim..hahahahaha~~~~~~~~~

之後三點幾先返到公司...
有個會計黎咗...老細問我可唔可以遲d放工...
等個會計六點鐘走先鎖門...
我梗係話得啦!!因為我第二日返遲返一個鐘丫嘛!!

點知..五點已經得返我同個會計小姐..
平時佢係一個超無禮貌既人..so無乜人鐘意佢~
之後salina打黎...我一度認錯佢係秋明..

會計小姐五點幾笑笑口同我講..
會:咦咦?!得返你一個咋..哎唷..唔好意思呀~~
攪到你遲收工tim..你老細呢...?!
我:(我心諗..你都曉笑既?!)老細..走左九世...唔打緊啦!~~~你慢慢做!
會:我會比心機快d做架啦!
我:你做晒你d野就得啦!!!~~唔駛急..

之後我喺度數字數..
每逢新一季前都要做既動作..
因為要數下每一段稿有幾多字~

我喺度數下數下...我handle果版已經有二千幾字都係我寫既..
仲未計其他版面我要寫既字數......^^”...

之後會計小姐五點十到落黎...
會:我做完啦!!hohoho~~~^^...快左呀!!
我:咁咪好囉.............^^
會:攪到你罰留堂tim!~
我:哈哈...我都不知幾咁願意啦...
我聽日遲返一粒鐘返之嘛..hoho^^
會:早知係咁...罰多你一粒鐘啦!!!我特登做耐d!!
hehehehe~~留返下次先..等你老細又叫你留低等我既時候..
我:哦哦..仲要特登tim...你試下...=_=...
哈哈~~估唔到你都有無聊既一面架喎...
會:哈哈哈~~~係架係架~~~hehehe~~~拜拜!

佢拎住d文件企喺度足足同我講左兩分鐘無聊野..
好彩我食完飯返到公司個咀都唔痛咋...
如果唔係都唔知點應付佢~~
我心諗..呢個好似唔係平時果個會計小姐咁既^^”
平時果個黑口黑面架喎...=_=
我平時又唔同佢講野既...一d都唔熟..
唔知做乜心情咁好既呢!@.@
果然...女人既心情...係變幻無常既...