死前要做的99件事

如果你的生命只剩下一分鐘，你會俾佢幾多分！！！我認為我ｏ既生命只值四分。一分係因為有一個９９％健全ｏ既身體（１％唔健全係我個鼻有ｏ的問題），一分係因為有一個完整ｏ既家庭，一分係基本衣食無憂（真係好基本ｏ架），最後一分係有一個比較高ｏ既學歷及出過去外國讀書。至於其他ｏ既ｏ野就一片空白喇！！拖又未拍過，朋友就得幾個，工作冇乜希望，生活又未享受過。可能呢ｏ的就係我冇去死ｏ既原因！！！

我星期六買ｏ左一本書叫＜＜死前要做的99件事＞＞，呢本書最ｏ岩一ｏ的想自殺，覺得生活無意義及因工作而喪失靈魂ｏ既人睇。雖然我未睇晒本書，希望真係會有所得著啦！！！

希望你會諗ｏ下有ｏ的乜ｏ既係想做又未做，然後就快ｏ的去做喇。人ｏ既生命好脆弱ｏ架，分分鐘聽日就ＫＯｏ架喇！！！！

死前要做的99件事
http://www.dadao.net/big5/htm/wlwx/2002/0527/3155.htm