渣古的故事

渣古，一個最經典ｏ既卒仔，廢柴ｏ既代名詞。從未見過渣古對高達有任何重大損傷，但高達卻可以赤手空拳就擊倒渣古，真係唔公平。但係渣古ｏ既落力演出得到了認同，因為渣古ｏ既受歡迎程度係拍得住高達ｏ架。據聞，有一套ＯＶＡ係以渣古做主角添。

據聞套ＯＶＡ係講一個機師駕駛渣古攻擊聯邦軍及高達，個機師最後有冇死到我就唔知，因為個消息係我五六年前聽番ｏ黎。但係就算個機師真係死ｏ左，渣古能夠做到主角已經好好ｏ架啦。

我諗大家睇高達ｏ既時候，多數都係當高達係好人而渣古係壞人。但係高達同渣古ｏ既好壞只係觀點與角度問題。渣古實當高達係壞人ｏ架，而且渣古亦有好ｏ既一面。記得有一集高達（唔記得係高達定Ｚ高達），有兩個渣古機師為ｏ左救人而離開大隊而被擊倒。所以如果大家用另外一個角度睇其他事物便會有所發現，甚至比原本ｏ既角度還要好！！！

渣古們努力啊，總有一日會做主角ｏ架！！！