嘩嘩~~好耐冇掂過呢舊野喇~唔知係唔想打定係唔得閒打~總之就係好耐冇掂過呢個日記啦~
咁耐冇打,唔知點開始先好...就由星期四講起,當日係day 1,亦都係捐血日,我地班都有幾多人自願去賣血..唔係,應該係捐血,果日頭兩堂eng,教咗呢個d好似係grammar既物體,不過果陣我溫緊econ,放學test嘛~聽d唔聽d咁上咗兩堂eng...小息之後就開心咯~本來應該係PE堂,點知校工走落黎叫人去捐血..PE堂就咁冇咗好多人..上到去7仔,呀sir話今日考試,掌上壓+dick波,掌上壓做咗三十幾四十下就收工,好辛苦架嘛~雖然我做到~dick波就比較戇居,做得四下..不過算啦~
中文堂仲hapi~d人死哂去賣血..係捐血..搞到肥史堂唔知似乜..結果堂中文就用咗黎玩白痴game...lunch之後就正式上堂喇~amaths堂派differentiation份卷~都ok,有19/27,一如以往,都係錯埋d唔小心,果然好野~跟住chem堂打孖上,好努力咁聽書上咗兩堂,放學test econ,識d唔識d咁做哂佢..咁就一日~

星期五唔洗番學,我都唔知點解~朝早成十點先起身,之後溫咗一輪中文,溫到4點幾就出去補eng...補完之後三人行去睇matrix 3,好睇!唯一唔滿意就係最尾影住個呀嬸黎埋尾...果日都幾悶下,冇乜點做過野就一日...

話時話,咁快就十一月喇~係時候要比之前更加認真,更加努力博殺了!!!呢排溫書..每日不停比我"屠殺"既subject就一定有amaths同physics..返咗兩個月學..得出黎既結論係:讀f.5..真係好辛苦...呢一兩個星期勁多test..每日都好辛苦...以下係一個好朋友o係佢留言板比我既說話:
「form 5呀嘛~~
愈做得多愈好呀~~
我知道好辛苦~~
但依辛苦d,你就知第日對你好好喇~~
小朋友,加油呀...我知你得既!!^^」

好想好似佢咁考完會考咁自在~
anyway,十一月了!!
會考生!!!!努力吧!!!!