土牛翻身彼一暝

               阿母咧看連續劇

               劇中男女哭分離

               相招來世再相會

               阮厝大力細力搖

               逃東逃西攏無路

               想起少年來台灣

               大船駛過黑水溝

               海湧起落一時陣

               翻來翻去亂紛紛

               想著娘親心頭酸

               敢有倒轉故鄉時

               初初來到咱台灣

               生活困苦喙筋咬

               厝邊頭尾逗幫忙

               毋管阮對叼位來

               日子起落心頭定

               囝兒大漢真有孝

               打拼流汗佇台灣

               毋管誰人惹風波

               五十冬來台灣米

               呷睏攏佇台灣土

               天搖地動猶原在

               歡喜悲傷阮甘願

               土牛翻身彼一暝

               阿母內心真平靜

               阿彌陀佛趕緊唸

               親像佛祖佇身邊