人物：神仙伯伯（謝徵燊）
　　　朗琪（馮婉儀）
　　　王子（馮境麟）
　　　繼母（陳錦藍）
　　　美娜（黃汶婷）
　　　士衛（謝徵燊）
　　　旁白（馮婉儀）

旁白：三個預言。
（音樂一起）

美娜：媽媽，我想食草莓呀。
繼母：（和藹地）好啦。（嚴肅大聲地）朗琪！快D拎D草莓出黎畀個妹食！
朗琪：（腳步聲由遠至近）媽媽，屋企只係剩番呢D草莓咋。
繼母：哼！D草莓又酸又細粒，點可以畀美娜食架。
美娜：係啦，呢粒仲好似有蟲添呀！嘩！好核突呀！
繼母：（命令）朗琪，咁你仲唔快D出去摘D新鮮既卅莓番來？
朗琪：哦……
（音樂二起）

（風聲）
朗琪：（聲音抖震）嘩！今日既風雪好大呀！（呼氣聲）弊啦，行左咁耐都搵唔到草莓添，媽媽實胄我啦。（踏雪聲）咦！前面有間小屋喎（踏雪聲）（叩門聲）裡面有無人呀？（叩門聲）（開門聲）
仙伯伯：小妹妹，咩事呀？
朗琪：老伯，我叫朗琪，請問你知唔知邊度有草莓摘呀？
仙伯伯：唔知喎。不過，嘻，朗琪呀，你可唔可以幫伯伯掃左屋外面D雪呀？
朗琪：無問題。
仙伯伯：呀，呢個細路女真係乖架啦。
（音樂三起）

朗琪：（開門聲）仙伯伯，搞掂啦！
仙伯伯：真係唔該哂。朗琪，你心地咁好，我估你好快會搵到D草莓，而且你第日一定會好有錢，而且仲會變成一位好有地位既人添。
朗琪：伯伯，你唔好同我講笑啦。
仙伯伯：（魔棒聲）遲早，你就會知道我講既說話係真架啦！
（音樂四起）

朗琪：媽媽，唔知點解屋企門口有一大堆草莓堆哂係門口度啦！你地快D來睇下！
美娜：（大叫）嘩！D草莓多到好似座山咁呀！（俏皮）以後都唔驚無得食囉！
（音樂五起）

美娜：媽媽，我個肚餓到就穿窿啦！
繼母：威琪，快D去廚房預備早點啦！
朗琪：哦。（腳步聲由近至遠）（遠處大叫）嘩，你地快D出來睇下啦！
繼母：（二人腳步聲）嘩！點解會有咁多金幣架。
朗琪：我都唔知點解D草莓會變哂金幣既。
美娜：（金幣聲）嘩，今次發達啦！
朗琪：美娜，呢D錢都唔知係邊度來既，我地唔應該要架。
美娜：（緊張）唔要！
繼母：唏，你…你聽家姐說話啦。（有禮貌）呀，我醒起廚房既柴枝已經用完啦，朗琪，你去後山幫我執D留來啦。
朗琪：咁…咁好啦。（腳步聲）
美娜：媽媽呀，我地真係唔要D金幣呀。
繼母：嘻，傻女，我只不過想引開朗琪，然後搵達地方收埋D金幣啫。
美娜：媽媽，你真係有辦法架啦。
（音樂六起）

（風聲）
士衛：王子陛下，前面有個女仔跌左係雪地上面啊！
王子：（焦急）咁你地仲唔快D扶佢上馬車！（馬車聲不斷）
士衛：（全體）係。（用氣力聲）
王子：小姐，你點呀？
朗琪：哦，點解我會係度架。
王子：你醒啦。呢度落咁大雪，你件衫又咁薄，梗係支持唔住啦。
朗琪：（驚奇，虛弱）你救番我，真係唔該哂啦。
王子：唔使客氣。係呢，天氣咁冷，點解你會一個人拎住咁多柴枝既，你屋企人唔擔心你既咩？
朗琪：其實，我係同繼母一齊住既。（哭著說）不過…我都唔知果個算唔算係我屋企。
王子：（同情）我估你繼母對你一定好差架啦，如果唔係，又點會咁凍都要你一個人走出來呀！
朗琪：（哭聲更大）其實，繼母佢比我食，比我住，應該要求我做多D野既。何況，佢始終算係我既媽媽。（大哭）
王子：你唔好喊啦，我唔怕話畀你知，其實我係王子來既，我地而家番緊去皇宮度。如果…如果你唔介意既話，不如…不如就留係皇宮入面住啦。
（音樂七起）

朗琪：皇宮真係大啦！（魔棒聲）
朗琪：（驚喜）仙伯伯，點解你會係度既？係呀，你以前幫我預言既三件事，都一一應驗左呀！
仙伯伯：哈哈！係咩？（魔棒聲）
朗琪：（魔棒聲）咦？點解仙伯伯突然間消失左既？
（音樂八起）

美娜：媽媽，我地點樣處置係衣櫃裡面既金幣呀？
繼母：不如我地囉佢出來買野囉。
美娜：好呀！媽媽，你聽唔聽到櫃入面有D怪聲呀？
媽媽：唔好大驚小怪啦，快D開鎖啦。（開鎖聲）（大量青蛙叫聲）
美娜：媽媽，救命呀！（哭聲）
繼母：（驚奇地）點解D金幣會變哂青蛙架？
美娜：媽媽，唔好理D金幣啦，快D走啦！
繼母：我D金幣呀！（聲音由近至遠）比返D金幣我呀！
（音樂九起）

＊＊＊＊＊＊＊＊＊＊劇終＊＊＊＊＊＊＊＊＊＊

後記：

別理錯別字、別理幼稚的內容，
別理粗糙的叙事技巧。
因為這是小學的作品，一個廣播劇。
難得找回正本，回味一番。
想著想著，原來在小學已有多次演出經驗，哈哈～
早會宣佈之二人對話短劇、
禮堂不知何事之演出，
中文科班內分行比賽……
這個廣播劇，可算是技驚四座的一次，
真人扮出各式各樣的音效，歎為觀止。
更殺入港台決賽，人生的第一次，威盡校內，就這樣。
重拾那些舊回憶，不其然想到朱博士說的懷舊。

PS：謝FYY替我找到這些珍貴的回憶。