多得阿華個朋友仔阿勇, 我同阿華同埋其他人有得免費去海洋公園既十月全城哈囉喂呢~~ 哈哈, 我成好多年都冇去過ocean park啦 , 大約最尾個次係我中五度卦~~
阿華仲耐過我呢~~
30/10 個日, 我好白痴呀, 本應約左阿華大約晚上7點40度去到黃竹坑架, 點知我又唔識搭車喎, 搞到遲到tim呀, 累到其他人要等我呢~　好采阿勇好人, 唔怪我遲到呢~~ 學佢話齋, 最緊要淨間好玩呢~~
估唔到原來我地唔單止免費入埸, 免費玩哂5間鬼屋, 仲原來我地係拎至尊票呢~~ 唔駛排隊就奉指打尖呢~~ 哈哈哈, 人地要玩一間鬼屋, 要排60分鐘, 到成5個鐘先玩得哂5間鬼屋, 而我地一行9個人, 唔駛60秒就入到鬼屋啦~~ 唔駛2個鐘就玩哂咁多間`~勁爽呀~~ i am supreme~~
ocean park 有間鬼呀, 最正既我覺得係蜘蛛個個, 仲有鬼婚個個呀~ 但係我都唔覺得驚呀, 可能我唔係行頭個個啦, 同行個D女仔驚到跌左落地呀~~ 勁搞笑呢~~我鐘意武士服仇個間鬼屋呀, 因為有D 好正既3D效果呢~~ 會頭暈架~去到唔知邊間鬼屋喎, 有個電鋸人喎, 佢好似拎住把電鋸想鋸我架, 但係我feel到有陣風係我D hair 吹過喎, 同埋听到D電鋸聲呢~ 但係我又望唔到喎~ 呵呵, 唔驚因為睇唔到~~ 我諗個電鋸人應該覺得好無引呢~~
之後搭吊車去對面山頭喎, 有人話好驚搭吊車囉~~ 呵呵~~ 你地估下係邊個啦~~
去到最尾個間鬼間~~ 我同阿華係行頭呢~~ hehe~~ 裏面有度地方係好多塊鏡架, 我被我自己嚇親呢~~ 不過你地唔好諗係我個樣嚇親人喎~~ 哈哈~~
真係勁正呀~~ 之後去玩我生平第一次玩既跳樓機呀~~ 雖然係好多人排, 而且見到好多人排single seat, 但係我唔想排single seat呢~ 因為我驚呀... 唔想自己一個跳樓呢~~ 嘩!! 終於有得玩啦, 坐下去個seat度, 扣好安全帶, 個機慢慢上升...... 愈上愈cold...個心愈寒喎.... 點解仲未到嶺既..... 好驚.. 好驚.... 雖然見到好靚既摩天輪... 好靚既海景... 上到嶺啦.... 停左.... 死得.... 嘩.... 跌啦.... 我離開坐個seat呀, 對手飛起左... 好彩阿華捉住我隻手咋~~
但係我個心就離開左咁呀... 去到底, 又好快升番上黎... 覺得死左2次呢... 好想快D停呀.... 我全程都冇嗌呀, 因為驚都出唔到聲...
玩完啦, 好彩都識行路...
之後見自己跳樓機都玩到, 就玩埋過山車呢~ 呢個難度冇咁高~ 爽D呢~~ 有大聲嗌呢, 哈哈~~ 我覺得過出車好玩D呢~~
都成11點幾啦, 都差唔多走啦~~ 係大樹灣個出口搭番免費車到正門, 再搭番171去旺角, 好彩搭到60X咋, 返到屋企都成1點45度啦~~
正呀~~