2007．09．22~23日跟上澳聯去左崇明玩
21日 星期五
朝早上完會計之後就同左同房出左去徐家匯買野
好有錢啊~~一個買左部萬三蚊GE NOTEBOOK+兩千銀GE相機
一個就買左部PSP = =
而我就買左兩本書-上海的N種表情 藍色的多瑙河
晏晝就搵返薯仔 周偉 張志誠佢地三個
食左超級好味GE沈大成鮮肉月餅 1.8一個 真係好好食
之後去左行上海書城 七層樓咁高
又買左一本書-藍色的多瑙河
之後去莘莊搵旅館住一晚 第二朝七點莘莊地鐵站集合

22日 星期六
早上七點去到莘莊地鐵站 遲左少少= =
見返D澳門人 成班講廣東話 忽然之間有D唔慣
之後坐車去復旦戈邊接埋復旦 華師 財大D人就出發去崇明
去崇明戈隻船 很爛 第一次坐咁爛GE船
慢到嘔電 好似踩單車咁 真係未見過慢得咁緊要GE船= =
崇明原來就係一個未開發GE鄉村地方
食GE住GE都係農家 不過都幾好GE
唯一唔好GE係呢兩日都落雨 D路好似泥路咁 好污漕
食完餐唔飽GE農家菜之後就去東平國家森林公園玩
破冰遊戲 野外定向 係一個好大GE公園入邊走嚟走去
一班人一齊玩呢D野真係幾正
估唔到GROUP 4咁都攞到個第二返嚟 原先仲諗住包尾
但玩完結果又係 成隻鞋都係沙泥 好污漕
夜晚去左個”室內BBQ” 之後就返返去農家度
好早就瞓左LU

23日 星期日
朝早食完早飯後就去左附近一個唔知咩野度參觀
又係落雨 條路又係好污漕 好煩
好想快D離開戈個鬼地方= =
之後返返去農家度食午飯就離開崇明LU 返返去市區
呢次旅行都識左幾多人 不錯不錯
返去莘莊之後解散LU
我地四個同師兄去左超市買月餅
好難先搵到一個蓮蓉月餅= =
聽日係中秋 食返個月餅應下節先XD
之後返去南站買火車票
10．01晏晝三點幾坐CRH去南京玩
CHINA RAILWAY HIGHSPPED 子彈火車啊 正啊
不過幾貴 93元 之後就搭校車返返奉賢
完