難得一篇可以令我全部睇哂佢ge一篇文~


林 夕 傳 說


一 月 一 日 深 夜 ， 叱 頒 獎 禮 慶 功 宴 ， 林 夕 醉 酒 痛 哭 之 前 ， 拍 了 一 下 我 的 膊 頭 ： 「 個 訪 問 ， 寫 好 呀 ！ 」
咁 ， 《 夕 陽 無 限 好 》 ？ 定 《 天 才 與 白 痴 》 ？
如 果 揀 《 夕 陽 無 限 好 》 ， 可 以 寫 連 續 兩 年 被 黃 偉 文 過 頭 ， 有 人 批 評 林 夕 水 平 不 穩 ， 行 貨 越 來 越 多 ； 張 國 榮 過 身 ， 王 菲 淡 出 ， 能 夠 盡 情 發 揮 的 平 台 ， 偏 偏 越 來 越 少 。
「 一 個 人 ， 去 到 高 峰 ， 始 終 都 會 滑 落 。 」
《 天 才 與 白 痴 》 呢 ？ 林 夕 年 產 量 接 近 二 百 首 ， 寫 到 患 上 焦 慮 症 ， 長 期 倚 賴 安 眠 藥 止 痛 ， 仍 然 不 肯 減 產 ， 不 願 減 產 。 自 言 投 資 電 盈 股 票 的 利 潤 ， 多 過 商 台 年 薪 ， 還 是 繼 續 身 居 商 台 顧 問 一 職 ， 為 電 台 日 益 薄 弱 的 公 信 力 而 煩 惱 。
「 放 棄 歌 詞 ， 抑 或 身 體 健 康 ？ 我 情 願 繼 續 寫 詞 。 」
覺 得 德 國 名 牌 Jill Sander 跟 自 己 瘦 削 身 形 最 相 襯 ， 林 夕 買 衫 ， 只 買 Jill Sander ， 仲 一 定 要 淨 色 無 花 紋 。 著 上 橙 色 外 套 ， 配 一 對 橙 色 鞋 的 林 夕 ， 以 為 可 以 令 自 己 看 上 來 比 較 精 神 ， 結 果 ， 還 是 一 臉 疲 態 ， 特 醇 萬 寶 路 一 根 接 一 根 。 煙 霧 瀰 漫 下 ， 這 位 被 譽 為 詞 神 的 四 十 四 歲 男 子 ， 慢 慢 訴 說 有 關 自 己 的 種 種 傳 說 ， 由 《 大 魚 奇 緣 》 講 到 亦 舒 講 到 達 賴 喇 嘛 講 到 畢 加 索 講 到 鄭 經 翰 黃 毓 民 。
很 神 。


死 了
林 夕 ， 原 名 梁 偉 文 ， 父 親 有 三 位 妻 子 ， 林 夕 是 他 最 後 一 位 妻 子 的 兒 子 。 童 年 住 在 太 子 道 ， 偶 然 ， 其 他 兩 房 的 子 女 也 會 同 住 。
「 我 的 童 年 ， 一 滴 快 樂 也 沒 有 。 」
林 夕 說 ， 自 己 跟 劉 德 華 同 年 ， 意 志 力 一 樣 堅 強 。 父 親 性 情 暴 躁 ， 最 喜 歡 拿 母 親 出 氣 ， 吵 吵 罵 罵 ， 林 夕 忍 了 十 幾 年 ， 到 在 港 大 讀 翻 譯 系 ， 才 首 次 反 抗 。 「 我 老 豆 即 刻 發 脾 氣 ， 將 上 面 碗 打 爛 晒 ， 粗 口 橫 飛 。 之 後 ， 半 夜 扎 醒 會 鬧 我 ， 我 去 廁 所 沖 涼 沖 耐 少 少 又 俾 佢 鬧 ， 鬧 足 一 個 月 ， 順 手 鬧 埋 阿 媽 。
「 呢 種 環 境 長 大 ， 令 我 好 相 信 ， 所 有 荒 謬 的 事 ， 都 有 可 能 發 生 。 」
結 果 ， 林 夕 在 提 心 吊 膽 中 ， 完 成 了 學 位 。 修 讀 碩 士 課 程 時 ， 搬 進 大 學 宿 舍 。 「 黃 霑 對 我 講 過 ， 每 條 路 ， 都 係 天 要 人 行 就 行 。 如 果 我 擁 有 一 個 快 樂 童 年 ， 當 然 好 ； 但 係 快 樂 過 ， 到 失 去 時 ， 就 會 懷 念 ， 唔 識 點 樣 更 加 快 樂 。 」
對 父 親 ， 一 直 心 存 恨 意 。 直 到 九 一 年 ， 父 親 過 身 。 「 個 年 代 ， 未 有 手 提 ， 得 call 機 ； 晚 ， 我 去 打 牌 ， 漏 了 部 call 機 屋 企 ， 回 到 家 ， 才 見 到 一 張 字 條 。 字 條 寫 住 ： 『 你 老 豆 已 經 死 了 。 』 當 時 的 感 覺 好 奇 妙 ， 好 似 立 即 釋 放 晒 。
「 有 這 種 反 應 ， 都 不 是 沒 有 內 疚 的 。 」
去 到 殯 儀 館 ， 才 記 得 父 親 生 前 最 愛 夢 特 嬌 ； 才 記 得 最 後 一 面 ， 是 去 打 牌 前 閂 房 門 的 一 剎 ， 瞥 見 父 親 問 了 母 親 一 句 ： 「 佢 頭 先 講 咩 話 ？ 」
「 幾 年 前 看 《 Big Fish 》 （ 《 大 魚 奇 緣 》 ， 一 齣 講 父 子 感 情 的 電 影 ） ， 還 很 大 感 慨 。 他 不 是 不 愛 我 們 ， 只 是 完 全 唔 識 愛 ， 累 阿 媽 受 了 十 幾 二 十 年 苦 。
「 好 可 惜 ， 呢 個 世 界 ， 太 多 人 唔 識 愛 人 。」


無 品
訪 問 的 過 程 中 ， 林 夕 只 哼 過 一 句 歌 詞 ： 「 只 怪 我 一 生 愛 人 」 （ 《 愛 人 》 楊 千 嬅 ） 。
「 楊 千 嬅 的 感 情 生 活 ， 跟 我 很 相 似 ， 去 到 一 個 階 段 ， 我 覺 得 佢 唔 應 該 再 同 男 朋 友 一 齊 ， 就 寫 了 《 笑 中 有 淚 》 ， 叫 佢 考 慮 清 楚 。
「 結 果 ， 楊 千 嬅 做 得 到 。 我 ， 都 做 得 到 。 」
林 夕 說 ， 用 自 己 的 一 塊 肉 來 形 容 跟 楊 千 嬅 的 關 係 ， 純 粹 因 為 看 得 太 多 亦 舒 小 說 ， 中 了 毒 。 事 後 ， 也 覺 得 講 太 多 。 「 我 係 錫 千 嬅 ， 但 係 唔 想 搞 到 其 他 歌 手 搵 我 寫 詞 ， 我 就 淨 係 偏 心 某 幾 個 ， 咁 會 傷 害 到 其 他 人 。 」
實 情 是 ， 最 偏 心 的 幾 個 ， 已 經 不 再 活 躍 。 「 無 張 國 榮 ， 王 菲 唔 唱 ， 對 我 打 擊 好 大 。 」
林 夕 想 寫 佛 學 ， 想 寫 達 賴 喇 嘛 的 哲 理 ， 最 新 目 標 是 推 出 歌 詞 集 ， 希 望 將 歌 詞 推 到 文 學 水 平 。 「 驕 傲 講 ， 我 比 較 好 的 作 品 ， 當 然 可 以 成 為 教 科 書 題 材 啦 。 」
市 場 最 受 落 的 ， 卻 是 「 做 隻 貓 做 隻 狗 」 、 「 這 個 白 痴 」 。 「 古 巨 基 都 唔 可 以 淨 係 咁 ， 我 會 幫 佢 擴 闊 個 世 界 觀 。 」
結 果 ， 梁 漢 文 ， 想 寫 ； 陳 奕 迅 ， 想 寫 ； 林 憶 蓮 ， 想 寫 ； 關 淑 怡 ， 想 寫 ； 側 田 蘭 Krusty 葉 宇 澄 ， 都 想 寫 。 「 如 果 我 淨 係 寫 王 菲 ， 唔 寫 黃 馨 （ 前 年 入 行 的 女 歌 手 ） ， 咁 樣 好 無 品 。
「 根 本 就 不 由 自 主 ， 要 減 產 ， 除 非 好 絕 咁 話 今 年 只 寫 一 百 首 ， 大 家 快 搶 啦 。 我 做 唔 出 。
「 呢 個 世 界 ， 無 邊 個 都 得 ， 無 人 值 得 咁 巴 閉 。 」


蠟 燭
為 填 詞 ， 林 夕 ○ ○ 年 患 上 焦 慮 症 。 「 年 幫 陳 奕 迅 寫 《 Shall We Talk 》 ， 寫 了 十 日 ， 有 兩 晚 通 宵 ， 結 果 寫 足 七 個 版 本 。 我 懷 疑 當 時 開 始 有 病 。
「 我 去 睇 醫 生 ， 醫 生 話 我 疲 勞 過 度 ， 開 安 眠 藥 俾 我 就 打 發 我 走 ， 食 完 ， 又 真 係 舒 服 好 多 喎 ， 於 是 越 食 越 多 ， 食 少 ， 就 周 身 痛 。
「 到 後 來 焦 慮 症 被 我 醫 治 到 接 近 康 復 ， 又 要 開 始 戒 食 安 眠 藥 。 」
病 況 最 嚴 重 的 幾 年 ， 林 夕 產 量 最 豐 富 。 「 健 康 ， 總 會 好 番 ； 但 係 歌 詞 ， 要 趁 我 有 火 ， 至 填 得 出 。 講 出 好 似 好 轟 烈 ， 其 實 每 個 藝 術 家 的 想 法 都 一 樣 。 畢 加 索 晚 年 講 過 一 句 說 話 ： 『 我 痛 恨 自 己 活 躍 的 靈 魂 寄 居 在 腐 朽 的 軀 體 內 。 』 就 算 病 ， 畢 加 索 一 樣 貢 獻 到 好 多 名 畫 。 我 應 該 要 有 呢 種 精 神 。
「 生 命 是 用 來 燃 燒 的 。 支 蠟 燭 燒 耐 ， 但 係 燒 唔 出 好 的 作 品 ， 根 本 無 意 思 。 」
林 夕 說 ， 對 由 高 峰 滑 落 ， 一 早 有 心 理 準 備 。 只 不 過 ， 究 竟 選 擇 在 被 淘 汰 之 前 漂 亮 離 場 ？ 抑 或 越 寫 越 少 唔 三 唔 四 依 然 盡 力 而 為 ？ 未 有 定 案 。


有 趣
慶 功 宴 上 痛 哭 ， 有 人 說 因 為 林 夕 生 愛 滋 。 「 其 實 係 因 為 見 到 林 若 寧 （ 林 夕 徒 弟 ） ， 令 我 諗 番 起 上 年 有 幾 個 月 ， 佢 話 過 我 寫 ， 唔 係 好 得 。
「 當 時 ， 我 都 有 喊 ， 有 種 無 能 為 力 的 感 覺 。 」
林 夕 說 ， 不 介 意 被 傳 身 患 愛 滋 ， 只 介 意 被 誤 會 不 服 輸 。 「 我 九 年 啦 ， 年 年 ， 好 辛 苦 。
「 黃 偉 文 第 一 次 贏 ， 我 替 佢 高 興 ， 因 為 我 知 佢 好 想 贏 。 我 贏 ， 只 代 表 我 長 命 ； 佢 贏 ， 係 突 破 ， 亦 了 佢 一 個 心 結 。
「 佢 真 係 寫 得 好 ， 值 。 」
基 於 童 年 時 代 的 經 歷 ， 眼 見 母 親 的 犧 牲 精 神 ， 林 夕 特 別 照 顧 他 人 感 受 。 例 如 自 己 八 蚊 購 入 電 盈 ， 廿 四 蚊 放 出 ， 睇 住 成 班 師 奶 將 買 錢 堆 晒 落 去 ， 輸 完 再 溝 淡 ， 於 心 不 忍 。
不 忍 到 覺 得 香 港 社 會 太 多 負 面 ， 有 種 使 命 感 要 大 力 改 善 ， 於 是 做 了 商 台 顧 問 十 一 年 。 「 坦 白 講 ， 我 試 過 好 多 次 唔 想 做 ， 每 次 打 算 ， 總 有 事 發 生 ， 要 我 留 低 。 」
所 謂 的 事 ， 例 如 鄭 經 翰 黃 毓 民 被 炒 ， 令 商 台 及 俞 琤 的 公 眾 形 象 陷 入 谷 底 。 十 一 年 前 ， 是 商 台 黃 金 年 代 ； 今 日 ， 水 深 火 熱 。 「 我 係 好 痛 心 ， 商 台 保 持 了 四 十 五 年 的 老 招 牌 ， 居 然 仲 有 人 會 懷 疑 我 妥 協 。
「 一 個 鄭 經 翰 ， 一 個 黃 毓 民 ， 對 商 台 帶 來 的 影 響 ， 真 係 好 大 。 信 任 ， 係 需 要 日 子 慢 慢 彌 補 的 。 填 詞 ， 可 以 幫 人 抒 發 感 情 ， 可 以 令 人 對 生 命 有 所 體 會 ， 不 過 可 以 為 香 港 做 乜 呢 ？ 要 幫 香 港 ， 商 台 係 一 個 幾 理 想 的 機 構 。 」
忙 到 如 此 地 步 ， 痛 到 如 此 地 步 ， 林 夕 最 大 興 趣 ， 是 選 購 傢 俬 。 「 傢 俬 ， 勝 在 靚 得 來 唔 會 變 ， 我 每 日 都 要 填 詞 ， 生 活 節 奏 已 經 好 快 ， 所 以 特 別 追 求 安 穩 。 沒 有 離 開 商 台 ， 都 有 出 於 這 個 原 因 的 考 慮 。
「 以 前 ， 我 睇 中 一 件 傢 俬 ， 一 定 要 擁 有 。 現 在 ， 已 經 學 曉 欣 賞 過 就 夠 。 人 ， 原 來 不 可 能 只 追 求 不 變 ， 有 些 東 西 ， 像 感 情 ， 會 變 ， 才 顯 得 有 趣 。 」
真 的 ， 有 些 感 情 ， 欣 賞 過 就 夠 ， 不 應 該 渴 望 永 久 擁 有 。


最 後 的 歌
時 光 倒 流 二 十 年 。 八 七 年 度 頒 獎 禮 ， 譚 詠 麟 宣 佈 放 棄 領 取 獎 項 ， 同 年 ， 林 夕 憑 《 別 人 的 歌 》 奪 得 最 佳 中 文 歌 詞 獎 。 Raidas 固 然 已 不 知 所 終 ， 其 他 得 獎 歌 手 ， 梅 艷 芳 張 國 榮 徐 小 鳳 林 子 祥 ， 最 後 生 的 劉 美 君 ， 活 躍 至 今 ， 數 來 數 去 ， 原 來 得 林 夕 。
那 個 年 代 ， 填 詞 界 的 大 熱 ， 包 括 黃 霑 和 林 振 強 。 黃 霑 死 後 ， 林 燕 妮 向 傳 媒 透 露 ， 黃 霑 生 前 曾 覺 得 被 潮 流 遺 棄 而 憤 憤 不 平 。 「 我 都 聽 過 兩 次 ， 第 一 次 ， 霑 叔 話 ： 『 唉 ， 今 年 版 稅 少 好 多 。 』 第 二 次 ， 『 唉 ， 都 無 人 搵 我 啦 。 』 」
林 夕 說 。
○ 四 年 冬 天 ， 林 振 強 逝 世 一 周 年 ， 黃 霑 剛 過 身 。 Cash 在 年 度 晚 宴 上 ， 舉 行 追 悼 林 振 強 音 樂 會 ， 台 上 一 眾 歌 手 輪 流 獻 唱 林 振 強 填 詞 的 作 品 ， 台 下 的 嘉 賓 ， 早 已 走 得 七 七 八 八 ， 得 林 夕 逗 留 到 最 後 。 一 個 人 ， 待 最 後 一 位 歌 手 唱 完 最 後 一 首 歌 ， 才 離 席 。
「 我 ， 可 能 比 大 家 想 像 中 ， 更 熱 愛 歌 詞 。 」













尋晚寫曬十版書法la..
一路寫一路睇哥盒東亞dvd..
但d音質真的是很有問題喔
窒下窒下咁...但畫面又沒有問題
對住哥幾隻碟真係唔知比d咩反應佢好lor..