正義既毛毛又出動喇!今日毛毛連同正義既爸爸同家姐去左反23大遊行!

大家都勸毛毛唔好去...有人仲怕我會死添~:p 其實今朝一早就去左睇裝修既野, 又熱又曬, 又累又眼訓, 真係想臨時唔去....當我以為我家姐會放棄唔去既時侯...原來得我一個係咁諗囉!結果我地3點由太子出發~

響金鐘等左10架車都上唔到...又話唔俾響銅鑼灣天后出...><~結果我地4點先去到cwb....出到去d警察話要我地經維園去喎....咁咪跟大隊去囉...點知成個鐘行得果幾十步, 維園都望唔到, 遊行變"遊站"! 仲要曬到爆!! 機智既爸爸決定放棄.....去sogo插隊!!

果然出到去sogo, d人行得快好多, 一路行去灣仔, 終於係遊"行"喇! 雖然都係得個行字, 又累又悶, 不過有時同d人嗌下口號都幾好feel! 沿路行左個幾兩個鐘, 終於去到政府總部樓下條斜路...估唔到果時係最辛苦! 點解? 因為條路又窄, 人又異常咁多, 仲要好多男人....又濕又臭...好難頂呀!! 果然係十個男人十個臭!!! 諗起都想嘔....:(

但係遊行其間聽到好多反董既咒罵說話, 好多人身攻擊既口號....其實我都好心up...一個人是否可以承受咁大既壓力? 基督徒真的要多多為在上者祈禱...

新聞話今日最少有35萬人上街遊行, 十年後我要同人講返....我係果35萬人既其中一個!!

ps.對腳.....><~
ps.本來有幅相想post架...不過太大post唔到...:(