頂!!勁唔開心!!
本來心情唔係咁好, 諗住去剪頭髮刺激下, 心情會好d…
去返尖咀a.one剪啦~
諗住搵返「假紋身人」, 因為佢每次都會剪得我好開心..
好唔好彩今日撞唔返佢…
俾個普通到唔普通, 旺角眼見個個都係咁既斯文人剪..


初頭都幾fdly, 好似好明白我既要求…
剪落又幾有心機…但其實真係好冇料到!!
我叫佢剪個特別d既陰,
我叫佢剪齊陰, 佢又話會成個蓋咁…
佢話幫我剪斜陰, 好啦~點知而家剪到齊又唔齊, 斜又唔斜咁!!!
我叫佢唔好剪碎d陰..佢又剪碎左..
我叫佢唔好剪我d曲髮…佢又剪曬!!
我叫佢幫我偷薄d, 佢又冇偷薄到!!
仲話要幫我剪"的水"添!!都唔知係咪有病...!!


咁都未止…
果個死人成日纏住鄭婷既洗頭仔….
幫我過完水, 人地個stylist都冇話剪完, 佢就係咁幫我吹頭…
人地個頭攣架嘛, 梗係要濕果時落gel架啦!!
佢都冇腦既, 吹到我個頭飛起曬, 之後先再噴水落gel…!!!
之後又再吹過…我個頭唔傷就假啦!!!
之後又落泥, 係咁chow chow chow!!!
洗頭仔咋你係, 亂咁黎, 當自己係stylist呀?!慳d啦!!
成日纏住鄭婷?! Form5洗頭仔你慳d啦!!
你除左識洗頭, 連吹頭都唔識…就唔好搞我個頭啦!!
搞到我成個乞兒咁!!! 我已經忍得好辛苦, 係咁bear住你..
我真係好想鬧你!!「你咪再搞我個頭啦!!」
俾個細過自己既, 而又咁唔pro既洗頭仔搞自己個頭真係好唔開心!!!!
如果間salon冇左佢會好十倍!!
唔好再俾我見到你!!我下次就唔會咁客氣!!!!


仲有!!我下次會俾多幾廿蚊搵「假紋身人」幫我剪!!
我唔想好似今日咁, 俾左錢但出到黎想喊!!!!!
心情比未剪仲差左好多!!!!!!
我唔出街喇!!!!....而家迫住要溫書啦!!!><
好!!聽日三月一號……..我要開始發奮!!!
我要入大學!!!!!