尋日係鄭婷生日, 雖然之前有好多阻滯
但好好彩, 結果四小花都出到黎~
我地11點出發…
去到cwb去左好多地方先搵到一張檯可以同鄭婷切”蛋糕”…
個景象只係其餘三個人響度食殘廢餐!!:p

之後我地去行維園…
迫到成個鐘先入到去個入口…果時已經點幾喇….
所以我地決定入到去即刻走去出口….
因為……我地都想去把酒談天多過同人迫~
而且我地plan曬4,5點會再黎”打劫”既!!

我地圍住cwb兜左一大個圈….好彩都去到惠康買酒!
我第一次咁樣去飲酒架…但我好勇地買左3支sub0…希望可以一嘗醉醉地既滋味~
井都買左3支, 鄭婷兩支, 瑪莉一支。
哈哈~~之後我地四小花誤打誤撞, 行左幾公里先搵到架通宵巴去灣仔海旁~真係好彩!

去到好衰架…d”獨立單位”全部俾人住曬…迫我地坐樓梯…
oh~飲勝!我地一路飲一路講心事心事…仲一路食蝦條添!
um…瑪莉4:30am要走lu..我地送左佢返地鐵站…
當時井飲左一支多少少….haha~~已經醉左喇~~
井井醉左個樣真係可愛!!下次冇我響身邊唔準咁做喎!!危險架~~你醉左咁qute!
瑪莉飲左一支都有少少醉lu…不過個樣好似仲醉得勁d…
可惜..我同鄭婷飲左兩支都毫無醉意…興都冇興下….

我地5:00am返返去我地既樓梯繼續談心..
但井已經死左一半…而我同鄭婷仲係勁精神…期待緊醉既一刻…
結果我地飲曬所有既酒都仲好清醒…唉~~
我地6:30am先離開…去左KFC食早餐…
8點左右返到屋企…不過就去唔到打劫喇….
鄭婷話佢兩次去維園行年宵都入唔到~~haha

雖然今次旅程的確係幾無聊…
但好似咁樣無聊過…先至叫做年輕過!!
考完A-level我一定要試下醉醉醉!!

希望新一年..又有新開始…一切合乎神心意~