之前果晚兩點幾先訓,,,8點鐘起身先係岩岩好夠6個鐘頭訓覺....
唔知毛毛係唔係太緊張??興奮??定係太肚餓??
竟然6點就醒左!!!
嘩!好眼訓!!,,,,,以我平時咁爛訓....梗係死都訓返啦!!
嘩!!毛毛竟然訓唔著覺呀!!!!!
真係好驚呀,,,,,,,,我唔可以唔夠晶神架!!!
......結果都係訓唔返,,,,起身食個麵先.....
唯有慢慢執下野咁啦,,,,

返早堂果陣已經好眼訓,,,,,><
之後午堂同其餘7個弟兄姊妹練獻詩....幫wilton練flute..
跟住一齊去食麥記....
我其實都有d驚食完會肚痛...因為每食兩次麥記就會有一次會肚痛,,,
食完之後....真係有d肚痛喎!!!!!> 不過好彩祈個禱....又冇事喇喎~~~:p
then我地就搭的士去長沙灣既以馬內利浸信會~

去到cathy先發現佢冇拎浸袍喎...好彩有人可以拎俾佢!
之後我地就好換浸袍啦~
好彩果日唔係好凍!!岩岩好!!如果唔係著住咁少衫真係會凍死!!!”___”
嘩~~~換左衫就梗係周圍影相啦!!噫~不過好多人都影唔到,,,,,
莫講話係影相....連獻詩咁重要既事都冇時間同張姑娘彩排,,,,,
3點正就開始了,,,

唱左兩首歌就到我地獻詩喇!!!!嘩~~我超驚!!!又唔記得帶譜!!!
行埋個琴度仲驚!!!我搵左好耐先搵到個middle C!!!><
一彈....嘩!!!d琴鍵硬到好似塊急凍豬扖咁!!!
我好唔慣呀,,,,唯有硬住頭皮大大力咁彈啦,,,,仲彈錯左幾次添....:(
不過好開心~~因為之後好多人都話我地唱得好好!!
Wilton既flute又吹得比平時好!!感謝神!!:)))

好開心今次係吳牧師分享信息!!冇左篇講章都講得咁好....真係好西利!!!
聽完jen既見證之後我地就要預備浸喇....冇得聽呀chris既見證,,,,,,好唔開心呀!!
聽講佢o係麥記度漏低左篇講稿!!!rarr~~~咁都講到真係勁!!!
我知家姐其實好想聽chris既見證...不過佢要陪我入去浸完照顧我,,,,累到佢冇得聽,,,,對唔住啊....>o<~

終於都浸喇!!
嘩,,,,睇見前面既人一個一個浸....我愈來愈緊張呀!!
一路同yorkie同jen係咁嗌!!!!(瑪莉同yung yung響下面竟然聽到我嗌既聲!!!好瘀呀!!!!><)
到我喇!!行落d水度好暖!!今次有吳牧師同施洗伯威幫我地浸~~好開心!
我未落去之前已經諗定,吳牧師問完我「你是否已經決志......xxxx(唔記得左)」, 我要大大聱咁講「係!!!!!」
點知我答係果陣....突然好想笑....就洩左道氣.....變左個好搞笑既”係”字....><~
「奉聖父、聖子、聖靈既名,,,,,,,,」咁就浸左喇,,,,好舒服呀~~~
浸完我好似仲好唔捨得咁,,,隻腳係咁young下young下唔肯起身!!:p
上左水....果然好開心!!不過真係好凍!!!打曬冷震!!!

我地教會既弟兄果然係騎呢.....
明明話明要答”係”或者”我信”....
chris走去答”YES!”....
李致走去答”對!”
wilton走去答”是的!”
子樂仲答”of course”添!!!搞到朱伯都令曬頭,,,,,,,
hahah!!!!真係好搞笑!!!

換好衫出黎, cathy講埋見證就完lu~~個見證好感動,,,,><~
之後當然係影相影相同影相啦!!
好多謝瑪莉你地紮花、仲有印尼教會既牧師、同早堂詩班既大紮花(雖然遲左好多)
唔好意思呀...井瑪莉鄭婷家蕙穎兒...要你地等我咁耐....我又冇好好招乎你地.....
好多謝瑪莉呀~~你好有心!!我一定會奉獻左佢!!
仲有呀~~瑪莉竟然叫我補習老師”咸濕財”畫左幅畫俾我!!!
我咁中意佢.......真係好開心呀!!!裡面仲寫住”毛毛!!恭喜!!恭喜!!與主同行!!Alex”
好感動呀~~~搞到我眼濕濕.....’~’我一定會努力向佢傳福音!!

同好多人影相~好開心呀!不過好快就俾人趕走...
但我地一於好少理~一於響條街度繼續影啦!!
之後一行14人就出發去我屋企倒亂!!!
我媽媽煮左好多印尼地道野食~~
我地食下野...玩下公仔...影下相....講下感情事...講下童年趣事....講下見證...睇下帶....一於時時笑到死!!
我呀媽係咁燒d沙嗲出黎....沙嗲一出,...就會成碟清!!
我呀媽話你地食左百幾串呀!!!!勁!!

嘩...玩到好累呀成日....真係好開心!!
我、cathy、jen、yorkie、李致、chris、wilton同子樂竟然一齊浸喎!!
第日諗起都覺得好盛大呀,,,,
收到好多好有意義既禮物~~
亦好中意我家姐揀既鱷魚仔筆袋!!:p好無聊!!
不過個浸禮就咁就完左,,,,一切都好似太快....
有d失落既感覺,,,,
呢幾日都好似冇好好咁靜落黎靈修下....反而係我覺得有d美中不足既地方....
我既然受左浸....我就要.......好好見證主啦!

我而家先知原來好多人都覺得我好細路女, 好唔成熟....其實我有d失望架,,,,
不過我諗我真係幾細路...
等我遲d又定d新年目標先!!
感謝神俾我有個咁開心既浸禮~~

*抖得今日,,,聽日又要入camp喇,,,,,
我d功課一樣都未做過...
d書一d都未溫過,,,,
因為今個聖誕玩得太開心!!hehe~~~