萬口

原載於〔澳門勞動報〕第二十六期　16.04.2008

豬探員：妖～第日都唔知點做嘢！
豬師奶：豬豬老公做咩咁火滾啫？
豬探員：鬼咩班伙記話前兩日去捉黑工，捉到都俾人插！
豬師奶：鬼咩，次次都捉埋晒D細單嘢！
豬探員：今次唔關大唔大單事，而係D店舖負責人出埋晒D「黑工中間人」，搞到黑工捉左，老闆拉唔到，俾Ｄ黑工叫「食屎」，街坊叫「收皮」，報紙佬仲陰謀論，寫乜Q「耐人尋味」！
豬師奶：超～逃避法律責任尼家嘢，商家佬不嬲都夠醒夠勁，況且仲有晒版照炒，俾你地班差仔有咩計喎！
豬探員：有晒版照炒？咩版呀？！
豬師奶：豬豬老公你記唔記得舊年酸焗腸俾人爆大獲，斷正佢豪宅請黑工果件事呀？
豬探員：記得！仲要過初級法院，判左啦！一身清白，無穿無爛。
豬師奶：咪係囉！佢管果樣，自己又衰果樣，咪一樣無事，皆因佢識用「事前亳不知情」尼招呀嘛，俾錢咪有人同佢揹鍋囉，洗咩上身！
豬探員：哎呀！原來尼個就係「黑工中間人」前身！真係豬啦我！
豬師奶：豬豬老公咪話自己豬啦！快D諗計仔對策仲好啦，事關此例一出，大把人跟，黑工你地班差仔咪捉到夠囉，反正爛賤，老闆你想捉？！難啦！