模特兒兼童顏主持李蔓瑩（Renee）因主持多個ViuTV的綜藝節目、又曾擔任杜汶澤喱騷主持而為人所認識，她憑着可愛甜美童顏吸引大批宅男愛戴，個人Instagram帳戶已逾12萬粉絲，迅速成為網絡女神。

對於Renee的感情生活，她就甚少提及，今日有讀者爆料，指Renee最近與同性髮型師Joe玩「She She戀」，讀者還提供二人親密照片，指她們早前結伴到上海遊玩。相片中二人坐在床上，態度親暱，兩人面貼面，Joe更在相中宣示主權，寫上：「I'm so sorry，Renee is mine！」

Renee亦上載咗兩碗親自下廚嘅餃子相到社交網，tag埋髮型師個戶口話，仲冧爆發文：「 我真係無幾何煮嘢畀人食，雖然好簡單但係好食㗎，所以好明顯我唔係地獄廚神。希望我會慢慢喜歡煮嘢食。你咁有口福嘅。」