名模馬詩慧（Janet）與大女王曼喜（Kayla）出席Redress活動，她透露細女王麗嘉去了美國，所以未有一同出席。提到二人今次衣着不性感，Janet即叫大女可以調轉着件衫，Kayla即轉身騷玉背說：「設計師設計畀我㗎！」提到Kayla常與妹妹鬥性感，她說：「冇啦，我冇得揮，佢身材好。」而Janet就直言各有各好，看個人氣質。提到Janet早前生日，兩女另一半都有出席，問到是否見家長？她說：「哎……係咩？我partner都有嚟。（你啲仔女？）仔有太多（女朋友）揀唔到邊個嚟，同埋係有啲朋友仔嚟，大家都係朋友。（仔女送咩生日禮物？）愛同卡。（老公話送珠寶畀你，收到未？）喺床下底？未到，可能出年先到，一定收到嘅。」

提到星期六鄧達智與男友陳梓欣舉行婚宴，問到送甚麼禮？Janet說：「人哋話唔使送禮，封利是環保。」她表示未見過陳梓欣但聽人講好Nice。問到二人是否會到英國註冊？她說：「香港註冊唔到。（Kayla將來結婚會支持？）支持。」Kayla即說：「冇理由支持朋友都唔支持自己個女。」Janet即解釋是兩回事：「兩樣嘢，支持朋友唔一定支持個女。而且一齊開心，結唔結婚都無所謂。」Kayla表示好多地方都可以都有同性婚姻，香港呢方面落後，要開通，是人權問題。

提到前名模翁為德透過經理人發出聲明，回應老公「出軌」傳聞，表示會力撐老公鄒兆龍，Janet表示見到報道，與翁為德出道已相識，更直言二人好恩愛，「出軌」機會好微，男方不會。提到內地誘惑多，有女自動埋身，她說：「佢行埋嚟，講嘢都唔得咩，唔需要敏感，老婆咁信佢。佢啲小朋友一路都好開心，冇聽過有問題。」她表示因翁為德住美國，甚少回港，所以少見。