藝人麥子樂出席電台劇集啟動禮，他於劇中飾演同性戀者，他說：「我覺得唔可以標籤呢樣嘢，你有愛嘅，唔使理係男定女，我身邊都有好多同性戀嘅朋友，佢哋鍾意就得。（你鍾意男仔？）我好博愛，男、女都鍾意。」問到可有遇過男性向他示好？他說：「都有㗎，不過大家都知我唔係，但示愛冇問題嘅，我成日同人示愛，人哋都會唔接受嘅。」近日積極健身的他承認最近去游水會畀人𥄫：「最近多咗嘅，但你有呢個Body都會想畀人望吓，有時我見到嗰個男仔身形靚都會望，好正常。」

希望佘詩曼有拖拍

提到曾傳緋聞的好友佘詩曼近日被傳秘戀型男，麥子樂說：「恭喜佢，佢應該要拍拖啦，佢所有嘢都有齊，又樣靚，工作OK，對朋友、屋企人又好，佢需要一個好錫佢嘅男仔陪佢。（見過？）未，佢太忙，對上一次見係佢生日，可能穩定啲先見。（佢真拍拖？）我唔知呀，我希望咋，我聽你哋講咋，如果佢有就祝福佢。」