無綫藝人陳婉婷（Hebe）擁有童顏外表，在劇集中多數飾演學生角色，近日更於電視劇《親親我好媽》再度做中學生。不過，她於新劇《踩過界》終於有突破，角色將會有感情線，而劇中「男友」竟然是飾演變性人的陳庭欣（Toby）：「對我嚟講係幾大突破同挑戰，第一次拍劇有感情線，對手仲要係女仔，所以事前都有同跨性別人士交流。（同女仔拍親熱戲冇咁尷尬？）同女仔拍反而放啲，因為平時同好姊妹都會好close，所以拍戲有好多身體接觸都唔會尷尬。」

單身的Hebe又笑言未能抽離角色，希望男友的性格似足Toby劇中角色，認真SheShe味濃！她說：「拍完劇真係有少少鍾意Toby哈哈，因為佢個角色唔係搵好多錢，但對女仔好細心同體貼入微，又唔會口花花，女仔好難唔鍾意咁好嘅人，所以都想男友可以好似Toby個角色咁乖仔。」