2016-05-12 04:24:04→☆ 魅格格 ★←
名人：謝婷婷撐同性戀「最重要真感情」。（2016.05.11）
【
on.cc東網專訊】 藝人謝婷婷出席美酒活動，透露自己飲酒後很容易面紅，家中酒量最厲害就是後父「鬍鬚Kong」，而父親謝賢酒量就麻麻，但有教她如在寒冷地方拍戲，可喝烈酒取暖。
讚欣宜夠勤力
穿上黑色低胸裙子的婷婷，身材十分苗條，她表示日日做運動：「我做啲唔同嘅運動，打網球、gym、打拳同瑜伽。（有冇操到馬甲線？）輕微，但我好驚好大隻。（有冇拉埋欣宜一齊做？）佢成日都做運動，佢好勤力㗎。（你去佢餅店幫手？）唔係幫手，不過我好支持佢，有時間就去探佢，見佢咁勤力好開心。（咁哥哥曲奇好味啲定欣宜曲奇好味啲？）兩個都咁好食。」
此外，問到有否聽王菲女兒竇靖童的音樂？她續說：「我未有機會聽，但身邊人個個都讚。（身邊人係咪阿哥謝霆鋒？）我好耐冇見阿哥！（有冇留意童童同女友疑似Kiss？）如果真係拍拖係好正常，一段認真開心嘅感情，又唔係當眾做乜嘢，我覺得kiss係好sweet。（你覺得同性戀好正常？）我好支持，自己鍾意邊個，咩性別都好，最重要係真感情，如果因為社會唔接受而男女一齊係好慘，我好支持les（女同性戀者）同gay（男同性戀者）。」
謝婷婷今日好性感。
竇靖童疑似同女友人當眾錫錫，婷婷就話好支持，仲話最緊要係有真感情。
索呀！
謝婷婷話會做唔同運動keep fit。