明明是2014年，但香港好像倒退到《一九八四》。既然普選由共產黨定義、港鐵示範如何愛護動物，恐同團體明光社再次獲政府資助，教大家「關心、認識同性戀」，也不算出奇吧。George Orwell筆下的世界是「戰爭即和平，無知即力量，自由即奴役」，施魅力也有金句：「Gay係特別straight。」

他gay到出汁、言行直接，每年十一月的同志遊行，必盛裝赴會；行年七十、腰圍廿八，溜進corset晚裝毫無難度，「肥咗啦，以前廿四、五。如果著唔落，我唔做人啦，唔准自己肥！」平日卻是鄰家阿伯：「平時我都唔drag 嘅，點解發姣發扽、上街遊行啫？就係想話俾人知，我gay得開心，你唔好歧視。」

性小眾被青眼有加，老來更是連自己人都要踩上一腳。施魅力曾被某桑拿所拒，只因鬢上斑斑。他的心願是成立同志老人院，好讓gay民老有所依，「我將來會死，但呢啲（照片）就係文獻。之後一路有人推動，或者終於會起到，你話幾開心？」成功不必在我。

＊相關新聞影片請連結：http://nextplus.nextmedia.com/news/spot/20140831/73876