《黃海岱及其布袋戲劇本研究》出版社：台灣學生書局，作者：張溪南，出版日期：2004/02/01附錄一 黃俊雄訪問記錄…………………………………………….200

「藏鏡人」角色創造靈感來源:
譬如「藏鏡人」,莫講甚麼人,高雄有一個人,尾仔發達合足好額 34 足好額,那個人足厲害,那陣勢蔣介石的時代,你若有得到勢,無所不為攏莫要緊。這個人伊就是專門底叫人做賊仔,攏去偷提軍中的物件,偷提足
濟物件,伊有一個 growp 專門底收買 這些賊仔貨,所買賣的物件是攏軍械。
因為較早高雄半屏山也好,或者壽山,內面攏空殼仔,日本人攏做那個「shi-ro」 35 ,內面攏放銅線、大砲的砲彈,沒用的足濟,那種攏是純銅仔,伊就叫那些流浪漢合買,買買了後,伊再叫別人出來收買,賊仔貨足俗 36 ,伊就熔解製成銅條,賺足濟錢,大發展。如果有警察、刑事抓到,伊都有辦法合解脫,這款大買賣,背後攏不知影是甚做的,但是伊有一個小弟,合我真好,大家攏諷伊:「恁大仔足好額,你散僻僻 37 ,恁某底開矸
仔店 38 ,三角、五角底賣,安怎安怎 ... . .」這個人雖然無甚能力,但是較有正義感,伊才底埋怨,講:
「那好額那有路用,好額沒路用啦,那攏安怎安怎 ... .. 什麼發生的代誌 39 ,什麼走私的代誌,攏講出來互我聽,那攏甚人底背後操作?啊 — 我 都 不 要 合 劈 40 ,我偌合劈落去到底,伊絲毫價值都無。」
這個人合我莫壞,才會講互我聽。這種躲在背後的人就叫「藏鏡人」,也是當時我創造「藏鏡人」的靈感。