今日截的士,係就截到個陣,竟然有個阿媽拖住個女,
急急腳以9秒9既速度跑去我前面截停架的士...

"媽咪,媽咪,姐姐等先架..."
"叫你上就上啦!"

我只好無奈望住架的士走,

我唔係因為比人截左架的士而無奈,
我無奈係因為個阿媽竟然咁都得...你以後點教女呀?

如果你係趕時間既,
都可以同我講一聲"可唔可以比我上先?我趕時間呀..."
咁我見到你拖住個女,又大包細包而你又問得出口既,
我絕對會比你上先!

其實而家d人都真係幾無禮貌/公德心...

排隊打尖,搶住講/食野,睇戲講電話,係商場食煙,亂拋垃圾,隨地吐痰,以為有錢大哂,破壞公物,大聲喧嘩,係公共場所剪指甲/清潔鼻孔,唔讓座比有需要既人,等等...

其實,朋友中都有咁o既人(我唔係話緊邊幾個,請不要對號入座!),
你可以話佢地係不苟小節,係朋友面前唔洗咁認真,
但我絕對可以講句,
係我面前,我可以睇唔過眼出聲話你幾句;
但係係人地面前,人地唔會再提你呢樣個樣,衰d既重會話你無家教!

你地可能會覺得我小家子氣,雞蛋裡挑骨頭,
咁係難睇ma...........

以前有個Miss講得岩,
"面就人地比既,假就係自己掉既!"

中國五千年的文化禮儀在那兒?