呢幾日聽到好多朋友0既感情消息...
好似...個個都唔開心...全世界都玩失戀...

有一位朋友...0岩0岩失戀...
原因係...男朋友鍾意左第二個女仔...
但情況有少少特別...個男仔始終都仲鍾意我朋友...
對於果位第三者...感覺新鮮...
一齊左3年從未試過遇到呢D新鮮感...
呢D三角關係...我經常都會遇到...呢三個角色我亦都做過...
如果愛情入面有個審判官...究竟邊個先係錯?...

站於我朋友0既角色:
的確好慘...一個對左自己3年0既人...
一下了離開自己...仲要拱手退讓俾人...
自己好唔開心...但都要去理埋男朋友0既感受...
呢種感覺係好難受...
需要時間慢慢去習慣一個人...
需要放手...需要甘心地祝福他人快樂...

站於她男朋友0既角色:
哈...愛上兩個人...好似好幸福...
有兩個選擇去揀...一個感情深...仍然好愛...
一個新鮮...一齊感覺好好...好想去試下一齊...
明知自己會後悔都要去試下同其他一齊...
可以話係任性...可以話係自私...
但內心0既矛盾...唔係個個人都明白...
別人睇落去...佢係一個衰人...
但事實...最痛苦0既...可能會係佢...

站於果個女仔0既角色:
做人第三者喎...冇人幫...覺得係佢錯哂...
但我好相信一樣野...如果一個人要變心...
就算呢個女仔冇做過D咩...呢個男人一樣會愛佢...
佢唔可以迫個男仔做D咩...自己亦冇可能做D咩...
只可以等...等得到...呢個男人愛你...
等不到...呢個男人唔夠愛你...
就算得到呢個男仔...每日都會提心吊膽...
怕呢個男人始終放唔底以前女朋友...
佢可能俾起我朋友更加痛苦...

聽落去...每人都好痛苦...
其實愛情世界入面...冇話邊個錯...
更加冇話邊個贏邊個輸...
真正贏0既人...係識得跌倒之後立刻起返身0既人...
輸0既人...係永遠留戀過去0既事0既人...

我係一個唔鍾意去為自己所做或所講過0既野而去解釋任何野0既人...
但每當有任何人做或講左一D關於我但又唔係真0既野時...
我會去為自己解釋任何野...可能因為星座0既關係...
「獅子座」...好憎人地誤會自己...好憎人地點睇自己...
偏偏身邊0既人會同我講:「算啦...妳理得人點諗...自己唔係咪得囉!!...」
Bullshit...點可以唔理人點諗...係就係...唔係就唔係...
唔鍾意人地屈我...唔鍾意人地誤會自己...
但我永遠偏偏成日遇到呢種人...

有些人在失去一段感情之後...
只懂得用好多自己想出來的藉口去為自己辯護...
永遠覺得自己在對方心目中是最愛的...
永遠覺得對方對待自己是最好...無人能及...
究竟這些人心裡面真的這樣想...還是安慰自己的一些說話?...
如果真的這樣想...這些人很可悲...他們將永遠活在過去...
如果是安慰自己...這些人更可悲...他們將永遠看不見前方有更好的路...