國際雷利山頭霸王的Promotion Event昨日終告完成，即我們的IMS project亦劃上句號喇。開始既時候真係幾擔心，怕受到WTO影響，少人出街、怕反應差。最慘係～去到旺角先知道行人專用區係四點後先至封－路－！真係始料不及～但沒有轉彎既餘地，唯有照去馬！

以為蘋果會派人黎，但最後都無。起初反應麻麻，雖然我負責check point one,　但都照幫手派handbills, 後黎又好變得好熱烈，見到一堆堆人咁涌埋黎，真係好開心！連Pauline都黎左（佢開頭話左唔得閒黎架），仲有team two既Betty都黎探班，當然唔少得阿妹同的你既支持喇！好愛你地呀！

最難忘係，有個廿歲左右既女仔，攞住我地既handbills走過黎，但唔係問我攞貼紙換禮物，佢只係要Appilcation　Form！我感動到丫…呆左一陣先識得反應呀！亦都證明左我地既idea係得既，d野唔係派左出去就算，人地真係有留意到呢個活動同雷利呢個機構，實在好感動～亦不愧我地六個女仔呢三個幾月花左n咁多既時間同心血，俾雷利個邊ban左n咁多次ideas，開n咁多個meeting。

最後雷利Chairman仲讚我地，又話上次君子雜誌個訪問做得好，突然覺得辛若都值得既！慶工既時候癲晒囉，十幾個人企係路邊食葡tak，仲要截停d車，Camman衝出路中心幫大家影大合照，我地真係『霸王』囉！

P.s.Karen wong，唔好意思, 借用左你張相添