徐懷鈺 ,o係我地o既年紀群係一個熟悉o既名字
當時少女標本最紅係佢
然後就係一曲”閃著淚光的決定”走天涯o既九頭身姐姐吳佩慈
跟住就係我當時好欣賞o既李心潔
最後係陳綺貞

滾石當時的的確確係咁樣排序
而家李心潔做o左影后
當然我覺得係佢撈得最掂

然後就係陳綺貞
正正經經行音樂o既路
仲瘋魔香港萬千少男
講真，concert係就係有大把人捧場
但當中有幾多個香港人真式畀$出o黎買碟?
我自己相信就唔多
陳綺貞有o既係港女歌星冇o既氣質同音樂o既熱誠
單係呢兩點，已經唔洗再多講

另一條路，撈得最出位應該非吳佩慈莫屬
個單強調自己係粉紅色o既新聞真係令我好愕然
其間都仲有出下唱片o既
但好似d人記得佢賣bra多d




台灣市場不嬲都係比較開放同健康
唔理你著得幾sexy定幾保守
個樣幾唔好或者幾靚
你唱得好，你隻碟就會大賣
徐懷鈺5年冇哂聲氣出返o黎
以前o既平民天后變成賣弄色情o既Badgirl
講真我唔太睇好，因為sexy同賣弄色情係兩回事
而且佢唱歌實力仲未到非聽不可o既程度
聽返badgirl原版o既hot stuff就知冇得比

睇完《Bad Girl》 mv我都仲接受到
佢個sm look我又唔覺得太過份o者
我仲覺得佢好適合個d懷舊look
只係d英文發音有d問題

當我再睇埋《墮落天使》
第一個反應就係”唔洗咁呀嘛?”
一黎,個mv拍到好似大陸粗製濫造o既mv
二黎,件衫V領真係開到落肚臍．．．．．


點解要㎡o左Yuki呢?起碼靚過jolin先!
http://blog.pixnet.net/Yuki0511