某日師兄威發起一齊睇舞台劇

心中一早有數成數唔會太高

因為呢幾年身邊o既朋友都唔係太鍾意睇Drama

好開心...今次去得成喎~~~




不過今次套劇都令人幾失望

錯在哪裡?


1.時間太長....
拖得慢...好似蹨ball鐘咁......


2.太貪心
好多問題想講...好多o野想交代...但又力不從心
雖然事實上真係有好多問題...但應該再加以篩選...
帶出個d問題完全膚淺到爆...好大原因都Y因為時間問題
搞到成套劇又乜主旨咁....一味塞呀塞呀....好似而家o既填鴨式教育制度咁


3.對白粗鄙到...
d粗口為講而講...其中一句真係聽到打哂突 e.g.”乜男人有西架咩...”


4.有d情節為+而+,為搞而搞
根本捉到鹿唔識脫角,其實講睇YES!個度真係好好,好正
除衫搞o野個段根本就係過哂火...唔應該加呢段..
(我估o個兩個演員都未成年,就算佢試過做愛都好,介唔介意都好,
我覺得唔適合佢地扮成年人去表達,如果佢地想表達偷嘗禁果個concept就可以)


5.特登去搞笑
成日都用關於性o既o野搞gag,搞到低俗
香港學生唔單只缺乏性知識,其實仲好冇品德~


6.演員
經驗不足...同d燈光完全唔match...完全唔到位...唔知佢想照乜...d演員又唔識就位...(我仲見到有走光情況,真係要小心D)
唔只演員,導演懶音都多到爆
台詞甩得好緊要,主角係咁,配角都係咁,有時真係唔知佢地講咩


7.雖然有d橋度得幾好.....不過劇本編排得差
唔明佢點解可以理直氣壯話自己套野冇得彈,仲要五度公演


8.我自己有問題
冇做足功課...唔知呢個”好戲量”劇團o既背景...搞到期望太高




出色之處?

1.某些Concept大膽兼抵死
e.g.比方學生被訓練到似一條狗
e.g.做老師o既條件



2.演員非常有heart
年紀輕輕演技算係好好...睇得出佢地好落力...唔係個d一味想做紅星o既年青人



3.劇團
肯俾咁多機會一班學生去做戲,真係好好,起碼肯花時間去培育新一代演員



4.佈景
真係幾得,有創意得o黎又有震撼力



5.完show後設與觀眾檢討
好過o係台上搞d爛鬼互動







睇完今次套Drama...真係覺得劇團o既成熟度對套劇o既質素好有影響

希望下次睇Drama唔洗再等多5年之後啦