對台灣情有獨鍾o既我
對所有台灣o野我都好有興趣
(除o左政治呀o下)
第一次自己去旅行咪就係去台灣之嘛
不過我並唔心足
計劃五六月會去台南..哈哈
希望去得成啦...
上次o係台北因為時間緊迫
所以係咁2去一間UpDup o既麵檔食牛肉麵
不過已經好好味
我諗可能間間都可以咁正



今次可以話俾廿零蚊當去o左台灣食o野
你話幾抵?!
去到已經兩點幾又未到下午茶
不過仲要等位
好彩一陣就有仲要係坐卡位
幾好幾好~!!



呢間o野其實都幾怪
因為有兩個門口
而且有兩個餐廳名
左面係澳門麗都茶餐廳
門面扮哂澳門feel
仲擺o左人力車
右面係台灣牛肉麵
扮相非常娘
擺o左好多八十年代燈箱
不過一d懷舊feel都冇而且有cheap o既感覺
台灣比我o既感覺完全唔係咁o架lor~
無論如何我都唔會介意
因為我唔以貌取食o既!!!!!!




===黑椒豬扒===　$58
健將發o左神經
望住餐牌話要鋸扒去大家樂都得啦
跟住自己叫o左黑椒豬扒餐
湯 - 忌廉湯-超稀而且冇賣相
蒜蓉包 - 得一塊仔咁大把,凍o左不過幾脆
扒跟飯 - 專人幫你淋汁不過態度超差
果碟飯另用碟上..核突到爆..似分發俾監獄風雲個d碟頭飯
鐵板熱力夠而且持久力強
扒超厚超多肉汁又有黑椒汁味-正~!!!!
凍檸茶 - 都係咁
甜品 - 芋頭西米露-個盅好得意,熱度適中不過唔好味


===紅燒牛肉麵+少辣===　$26
我期待已久終於出場
湯味好濃好香,黑麻麻咁,睇見就想一啖飲哂佢
麵條好有口感腍中帶爽
而且好似o係台灣食到個種texture粗幼度都係
不過美中不足係麵本身果個味有少少似擔擔麵
牛肉嫩不過似牛筋咁
我唔知正宗台灣牛肉麵o既牛肉係咪咁
我o係台北食都有牛筋,不過冇今次咁多
隨麵附送一碟鹹酸菜一小碟..超騎呢lor...
又唔夠我送哂成碗麵..又唔係食酸辣米線...不如唔好俾啦



食完感覺ok
因為d服務同茶餐廳一樣咁差
而且餐具樣衰兼求其
不過呢間牛肉麵係我食過最接近台風o既一間
所以我會再幫親
最得意有東方同蘋果睇
衛生尚可
氣氛奇怪 澳門個邊播英文歌 台灣個邊播華仔
兩種聲實行superposition
無論你坐邊區都可以互叫o野食
總之騎呢啦
價錢少少唔合理
可以再平D就Prefer
今次四粒星



台灣牛肉麵 & 澳門麗都茶餐廳 (已結業)
地址:　將軍澳欣景道8號新都城中心二期商場UG085-087號
電話:　3194　5029