早幾晚講開佢返工改左返工時間, 我一時覺得好亂, 就同佢講.. 我有mark低佢邊日返工返咩鐘數, 成日改時間我好似mark黎都冇用, 佢就答我, ed野都係俾返佢自己記好d, 我記到就記記唔到都冇所謂, 如果因為佢改左時間我就會覺得晒時間去做e樣野搞到自己唔開心又辛苦左大家咁, 其實我明白佢應該係話我到時發脾氣又搞到大家唔開心就費鬼事啦~~但我記低真係有唔岩咩? 唔通我就不聞不問咁唔洗理佢? 唔通佢想我日日問佢今日洗唔洗返工呀?返邊間呀?返幾點收幾點咁樣? 我只不過話佢d時間亂姐, 又冇諗住發脾氣wo...原來e樣野在於佢黎講既感覺係..最好唔好煩到佢, 佢唔會因為有個人肯記住佢既野覺得開心, 好似變左一種無形既壓力咁, 雖然我話唔再mark, 但女人都係口硬心軟, 都仲係有去做XD........~~

佢e排返d工都成日轉黎轉去, 為左搵錢, 仲要即出糧, 搵左d炒散做, 多數都係酒店餐廳既waiter, e間做得辛苦, 就轉, e間時間太早或者match唔到佢夜晚份pt, 又轉, 戈間人工高dd, 再轉...我都明白, 佢一邊搵工一邊做野辛苦, 又唔夠訓, 有時仲要兼顧埋佢屋企人既事, 我已經好少搵佢, 有時唔開心既事, 都冇話佢知, 佢邊有extra既時間去理? 同埋佢e個時候知道最多敷衍你幾句, 可以話話佢知都冇乜用, 等佢得閒有時間先搵我囉, 但每次講都係返工既野.....今日返工好攰呀, 由朝做到黑, 手腳酸痛, 聽日又要返12點呀, 返邊度邊度, 今日返完馬會輕輕微鬆又3舊....我就每次都問佢返工既野, 今日好忙呀? 攰唔攰呀? 早d休息呀, 手腳攰就自己按摩下啦, 今日返11點3 wo, 出左門口未呀? 但佢似乎連一句問候關心我既說話都冇..我叫佢買支香水hea左成個星期講左兩次唔記得.. 只係用1分鐘上網篤幾下keyboard時間都唔為我付出... 我唔係介意佢唔幫我買, 而係我e個小小既要求足以俾我知道佢根本唔在意我既事, 淨係識得叫我plan行程, 我知佢e+為左返工好忙, 所以先咁做, 但我係人黎架, 都會有情緒, 我有少少唔開心佢就開始想話我有d唔耐煩咁.... 唉.. 我唔敢想像, 去完旅行佢就要搵份full time做, 到時會係點?...... 到時我會是哪種角色?