其實今篇個Title都想用問句, 因為我近排主要對於感情方面既事都好有疑問..但睇返之前戈幾篇都係, 所以都係改一改佢~~

今日下就公司搞個event除左自己有份玩戈part之外, 其餘時間都係恰眼訓...今朝樓上個屠殺工場又開工了..尋晚又同朋友J傾到2點先訓...訓醒隻左眼離奇地爆血管同少少腫左..陰公..><

朋友J話佢嫲嫲又問佢幾時結婚?佢話都係等到佢談婚論嫁既時候先會公開拍拖, 又埋怨話唔知幾時先有女朋友... 我只能說, 追香港女仔首要條件就係有錢, 哈哈~~講真丫, 我仲心急過佢, 話晒我都係女仔黎架.. 仲差唔多步入中年@O@...我同佢講.. 經過左e兩年單身生活, e+就算面對住自己心儀既對象都唔會敢同佢表白.. 一來怕知道個真相原來只係自己一廂情願會錯意, 搞到大家冇朋友做仲慘.. 二來係拍過咁多次拖每次都唔係我做主動, 所以如果今次要做既話我希望會有好既結果...朋友J就話感情e樣野直接d好, 無謂估黎估去令大家辛苦.. 言下之意係叫我快d主動出撃??但佢究竟有冇1秒鐘feel到戈個人會係佢自己呢?....

我安慰自己..再睇定d先啦..畢竟我同朋友J相識於網絡世界, 交談亦十分虛擬, 即使有見過面同傾過電話(We Chat個錄音^^) 冇乜時間真正相處過, 感覺十分之虛無縹緲, 好唔實在, 佢又住係香港, 仲要大家識左3個月都未夠.. 種種原因令到我唔想好似以前咁太過衝動, 一時既感覺就傷害左人...唉~~都係繼續了解下先(雖然已經知道機率極微.....><)

套用楊千嬅某首歌歌詞: 我要向右還是向左走....??