° ☆﹒‧羽翼之國

2007-06-05 02:27:30折翼の天使

新聞ｘ記者

留言 7 收藏 0 推薦 0

本來是應該做功課的~~
不看了小雲的新聞台後卻跑來打日記了~~XD

對於讀新聞既我
並唔係特別中意做記者
呢樣野係我入學既時候已經好清楚
直到現在快要畢業
想做記者既念頭一D都冇
就連一直做開既野都因為兩位大帝而開始厭倦

冇林過做記者並唔係因為記者人工低
而係我覺得自己唔係跑新聞既料
我既思維唔夠好
我林野既角度唔夠多
睇野既範圍亦唔大
而且識既野好少

我記得東亞運個陣有個攝影記者同我講
「你第時唔好做記者呀因為好辛苦架」
我唔知佢講既係咩記者
係攝影記者？定係「記者」？
咁佢又為咩要繼續做記者？

點解我唔中意做記者但又入新聞系讀？
講起真係慚愧
只係因為我想試下考大學
如果考唔到就會去做野
因為我唔想屋企人太辛苦供我讀大學
所以好隨便咁就考左兩科中文
選左兩科只考中文就可以入既科
本來第一意願係中文系
但因為覺得寫論文好麻煩
所以就轉左新聞為第一意願
而因為咁就入左新聞系讀

但好好彩既係我入左新聞系
因為識到好多好好既同學仔
亦學到好多好既野

雖然我冇林住做記者
但我卻因為大二既暑假而中意左做幕後
因為做完一條片出黎之後好有成就感
亦好開心
所以我喜歡幕後工作
可惜....最近因為一直係幾位神既身邊做野
令我越黎越覺得自己可有可無
而且越黎越無用~~XD

但我仍然會好記得
胡SIR搵我做CSB條片
尹老師稱讚我標題下得好
我亦都好慶幸
因為讀呢一科令我可以去到台灣實習
到現在我都好想再過一次台灣既生活
不過重點係要同返佢地一齊過

還有
五一的時候的興奮及充滿衝勁既感覺
個一刻
我終於明白點解有人會咁中意做記者
當有相機在手既時候
我會忘記左自己做緊功課
可以唔洗咁博
我會一見到值得影既野不顧一切跑上前影
個日既事~~得到小明既一句
話我唔怕死~~係咁走上前影相~~XD
因為小明個日都係現場~只係同我身份唔同~~XD

我永遠都係題目同內容差好遠既~~
講講下同我本身想講既野離晒題~~XD
好多時都唔得記左自己想講咩~~
就當呢一篇係因為畢業而得來架啦~~哈哈

上一篇：プロポーズ大作戦