話說尋晚msn緊期間, 深夜1點幾,
傾得開開心心時,
由於撓腳關係, 左腳腳板底突然feel到啲野,
係咩呢~?
好似啲野輕輕掃一掃自己腳板,
縮隻腳雙眼向下一望,
係一隻大強, 大隻的小強,
佢係地磚上一條直線行去個廳度,
登時我大叫一聲, 閃開左一兩秒後,
飛身走去攞隻人字拖,
當期時心驚膽戰, 且戰且退,
事關好驚佢無啦啦飛起......
說時遲那時快, 手起刀落, 狠狠大力一拍!
命中目標!

但係依個時候就諗起, 要執返條屍......
人字拖依然無拎起......
事關驚佢未死, 我又無咁既膽量再拍多次......
所以我只係係個隻人字拖面貼張「有曱甴」,
等第二朝再算,

但係再諗深一層, 我瞓地下, 隻野係度, 點瞓得安心......
所以, 鼓起勇氣, 拎起隻拖鞋,
隻曱甴死左, 少少白色既羔必左出黎,
左手一張報紙, 右手一張報紙,
左手一剔,右手報紙一接,
之後包好佢, 再用垃圾膠袋再包好佢,
清理兇案現場,
咁至瞓得安心.

依個回合, 阿東win!