今日放左工返到屋企,
見到大佬返左黎屋企食飯,
食飯期間, 阿媽又講返大佬個bb出世後搵人睇住既問題,
阿媽又一次狠狠拒絕唔幫手睇住個bb,
仲係咁話阿大佬佢要負起照顧bb既責任,

阿媽咁樣講, 的確係岩,
要負起照顧bb既責任,
但係我大佬都只係話1星期幫手睇住1~2日咁大巴,
都唔肯幫手,
又話睇得一起睇唔到一世,
睇到佢3歲, 到佢幼稚園, 小學咁點睇,

佢一咁樣講, 我心頭火著左,
如果佢同一個街外人咁講, 我實撐佢,
但係依個係佢個孫, 點解都要咁樣吖!!

阿媽想當年話婆婆點唔錫佢,又唔照顧我同大佬,
對婆婆緒多不滿, 但係到左今天,
佢竟然做緊婆婆同一樣野,
所以, 我臨到最尾, 我都兜個圈話佢,

話：阿爸阿哥, 阿媽咁講都係講出佢既感受,
俾你知道阿哥要有既責任,
而且, 想當年, 婆婆都一樣唔理我地,
阿媽都不時咁樣同我地講

阿媽即話係吖,當年婆婆都唔理你地, 要我照顧你地.

我即話:想當年,阿媽都同我地講婆婆點唔錫我地.

阿媽即刻無野好講,
同時,我即同我大佬落街閃人.
我知道咁樣話阿媽唔岩, 但係真係佢迫我出手.
寫緊依篇日記時, 個團火仲係度.