2006年12月13日(星期三)
個朝早發燒發到101度。
唔知點解依輪成日咁易病＝　＝

去到尖沙咀文化館音樂廳度行畢業禮。

由於只可帶兩位來賓到場，
我爸媽必然出席，
我鱓親戚話都想黎，都係冇位俾佢，
只好遲鱓再出黎影過相。

講到影相，
我爸負責影相，
可能之前好耐冇影過相既關係，
佢室內地方使用〔夜晚ｍｏｄｅ〕，
成個畢業過程．．．．
所有影既相走晒樣兼有鬼影，
影左好多張，一張都唔要得，
得返到我行完畢業禮後同佢地影既相可以睇得下　＝　＝

最最最老友既係以前係美孚華阊鸷度做野既巫生（右手邊）同沈生，
佢地專程過黎同我慶祝
（其實倆位仁兄係半退休人士，見冇乜野做過黎慶祝下）＜＜＜＜＜講笑

不過真好多謝佢地，專程過黎，
當年係巫生係咁叫我讀書，多謝佢同我講：

＊＊＊＊＊＊＊＊＊＊＊＊＊＊＊＊＊
ＴＯＮＹ仔，出黎做野，大學生畢業係進入依個世界既入場券，你同ＤＯＷＳＯＮ（同時一齊入職既同事，大學畢業，佢職位係ＡＥＯ，當時佢人工９５００蚊）一齊入職，你做文員，佢做助理管業主任，你人工就得７５００蚊，過多３年，佢人工過１２０００，你就只會加到９０００，人工已經相差３０００。

你做文員做文職野，到你過多５年（當年我２２歲）到２７歲，你大學學位又冇，人工又得個８／９０００蚊，你到時可能要供樓又拍拖；同時間，ＤＯＷＳＯＮ既人工會同你相距越黎越遠。

輪工作熱誠，工作效率，我唔覺你比ＤＯＷＳＯＮ差，同ＴＯＮＹ仔你肯學（當年佢真係咁講，冇吹水架，ＫＡＫＡ），而你地有咁人工差距就係因為佢係大學生而你唔係，冇証書係手，所以呢ＴＯＮＹ仔你的起心肝去讀下書啦，你有張証書，起碼你有機會去見工同你想做既野，你連証書都冇，你連想見工既機會都冇。如果唔係你同ＳＨＩＲＬＥＹ既差距就越大，佢飛Ｑ硬你，不過你放心，佢點都飛Ｑ硬你，ＨＡＨＡＨＡＨＡＨ（佢講中左　＝　＝）

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日，我畢業了，我真的多謝巫生當年鼓勵我讀書。

另外，阿欣，我成功了，我畢業了，我很想你看見我穿畢業袍的模樣，我很想你對我說聲〔阿東．恭喜你畢業〕。















東．算了吧。