今日去到石硤尾上堂，
上堂前去〔七仔〕買野飲。

去到〔七仔〕，入面好多人，多數係學生哥，
而我隨隨到凍櫃拿取一包〔麥精〕到ｃｏｕｎｔｅｒ。

ｃｏｕｎｔｅｒ個度有兩名店務員，
其中一位店務員收電話費，
另一位店務員收一般買野既錢。

咁收電話費個位，收左好耐都唔多識收，
就按枱下既ｂｅｌｌ，叫經理出黎幫手，
按第一次，按錯正門既門鈴，
按第二次，按錯出入寫字樓既門鎖，
咁佢個ｐａｒｔｎｅｒ就鬧佢，
話：最入面個嗰掣丫！！

按第三次，按對了，經理出來了，
＊＊＊＊＊＊＊＊＊
Ｍ：經理
Ｓ：店務員

Ｍ：白痴，又唔識收。
Ｓ：唔知點解收唔到。

Ｍ：白痴，睇過～
．
．
．
Ｍ：白痴，第１個ＳＴＥＰ就錯啦。
．
．
．
Ｍ：白痴，咁咪得囉。
．
．
．
Ｓ：唔記得左丫嘛。
Ｍ：白痴，教咁多次，都仲唔記得，白痴。

＊＊＊＊＊＊＊＊＊＊＊＊＊＊＊

句句都白痴，痴線！
實在太不知所謂！！
十分可惡！！！！！