未夠兩個月又病了
我都覺得自已近排比較弱(己經多做了運動)
加上不好好的保護自己,才會令這次生病

星期一已經覺得渾身不對勁,返到公司已經好想返屋企
但想到阿HEAD的反應及今天要上夜校(夜校跟公司的距離頗近)
今天不但要交ASSIGNMENT,還有QUIZ
D ASSIGNMENT做得咁辛苦,我當然不想遲交

上完夜校,返回家中,我更覺辛苦
星期二早上,我決定請SICK LEAVE

到了十一,二點,我去看醫生
我回答了醫生問我覺得哪裡不舒服
然後他又問“又無喉沙”
我覺得好奇怪,心想我把聲好沙咩
醫生見我無反應,就解釋“即係平時把聲比現在的還要好聽”
我聽完後忍不住笑著點頭,但一笑,就開始咳,超慘~
跟住醫生又說,今次發燒有38.5度,即係102度
又問我要不要打針,我當然堅持不打

等候取藥期間,有位只有2,3歲的小妹妹輪候
當叫到她的名字時,陪同他的爸爸行去醫生房
而小妹妹卻一支箭的標向門口,她好想推門走,可惜不夠力
他爸爸見狀,“女,你想點呀?”
小妹妹一邊哭一邊望著我,我唯有笑著跟她說
“無事架,你睇下姐姐咪睇完無事咁出返嚟”
妹妹半信半疑的望著我,這時她爸爸抱著她往醫生房去
小妹妹很快由醫生房出來,但她的哭聲仍未間斷過

今次醫生開了9隻藥丸給我,真的令我目瞪口呆
不過都算,我本身不是太怕吃藥丸的
但很怕飲咳藥水,唔知咳藥水,有無丸狀呢?

這個醫生開的藥都OK有效
只是吃完後便會覺得好攰同埋每次令我有心跳加速的情況
有問題嗎?

如果所有病,都有特效藥作醫治,那就好