上個星期日開五開始
波koo直落成個禮拜冇返
不過佢點解唔返呢個問題唔值得我關心
上個禮拜d英文堂完全唔駛上
呢先係最重要o既好消息
d英文堂冇晒
搞到上個禮拜差唔多放假咁滯
星期一同星期四本身已經冇mud堂上
依家連英文堂都唔駛上
可以話返學變渡假
本來個個禮拜最辛苦o既星期二
亦都由終極無間變到仲留得返條全屍
星期五又一放lunch等於放學
總括黎講,呢個星期勁有渡假feel

波koo冇返
總要搵個人黎睇住我地班人
黎代堂o既係"李老味"
大家不要唔誤會
我不是講粗口
只係佢人如其名
姓李又係老味一名
事實上好多人都係咁叫佢

波koo班粉腸果然唔會安安靜靜咁上堂啦
成班pk上英文堂扔飛機
我已經算乖架喇
一係靜靜咁伏起張枱訓教
一係就係枱低睇報紙雜誌
完全冇擾亂課堂秩序
比起班粉腸我突然覺得自己都算係好學生囉

其實我都好氣奮
覺得李老味好慘
人地之前係華仁教jor廿幾年
培育jor幾多個社會棟樑
備受學生尊重
冇功都有勞啦
依家反而要走黎受你地班黃毛小子o既氣
俾你地班粉腸奚落
諗起都登佢唔底
人地休jor咁多年
今次難得有機會重執教鞭
抱住一腔熱誠返黎教幾日書
諗住可以為華仁出多一分力
你地俾面既o咪見佢一把年紀
咪做下好心扮晒專心聽佢講兩句
氹下佢開心囉
唔俾面o既咪好似我咁
訓下教,發下白日夢囉
做咩係都要玩下下殘人喎
人地已經俾晒成個星期d英文堂你做free time
你仲想點？
依家你上堂扔飛機人地都隻眼開隻眼閉
你地仲得寸進尺
人地黎教你一個星期ja
做mud係都要搞咁多野喎??

講真o個句
我覺得李老味超好人囉
完全feel到佢對教育同學生o個種熱誠
就憑呢點我已經覺得佢係一個好老師
佢下個星期走喇
有d唔捨得
不過說穿了我是不捨得o個幾堂free time

呢個禮拜又係度諗
覺得華仁真係金玉其外,敗絮其中
d成績已經唔係一流架啦
人格仲要差到無論
雖然唔係個個都係咁
但華仁真係有成大班咁o既垃圾
以前小學成日聽到d師奶話華仁點勁點勁
依家入到去讀真係真係大失所望,比想像中差好遠
雖然學校本身有好高質素
但D學生質素好參差
好o個班固然不愧名校生之名
但唔好o個班真係衰到冇論
可以用垃圾黎形容
不思長進
擺佢地係度真係齋"擺"
晒jor個位囉
好憎佢地
所以好想下年會考快d黎
踢走晒班垃圾廢事眼冤

以前讀小學o個陣
總係覺得俾人叫做"華仁仔"係一種讚美
自己亦都好追求做一個"華仁仔"
依家反而覺得"華仁仔"係一種壞學生o既象徵
帶jor一種貶意
之前華仁仔建立o既形象就咁俾班垃圾踩低晒
有時我真係好嚮往以前華仁仔d校園生活
覺得應該好純囉

今個星期三同2佬&俊文落旺角訂波衫
原來佢地連件波衫都未諗好
淨係識話"跟湖人啦,跟湖人啦,照住做得架喇"
點知佢都連湖人o個件點樣都冇mud印象
齋記得隻色,o個到要擾攘到五點幾先功成身退
根據過住經驗
我地係冇試過訂過一件完全o岩心水o既衫
所以呢件我都冇點抱好大期望

星期五lunch我地起阿麟壇
本來佢唔知得罪邊個俾人圍緊(好似係我)
跟住佢仲不知死活懶係串咁講jor句：
"過黎起我壇丫笨～淆底~"
跟住激起民憤
我地成班人順應民意起佢壇
可惜冇帶相機碌抵佢
否則可以當"新界喇沙2"賣出去
肯定賺梗

最尾兩堂mass冇堂上
留起班房hea
點知phy梁來朝
眾人皆淆底
我地為phy梁拖出去o個幾個手足默哀

放學又去補eng.
俾我同2佬中途見到虎爪老相好
唔知佢去搵邊個呢可～？
轉ｊｏｒ班之後真好jor
起碼冇咁多人
星期一o個班多人到坐爆間房
今堂個miss好戇居咁同我地講：
"你地俾人打o個陣訓係地下就得架喇
最多俾佢打幾拳,等佢走jor就報警"
我諗：訓係地下咪俾人踢囉
　　　完全遺反搏擊原則喎
　　　個miss梗係未打過交
條友都傻傻地,俾人打當然還擊啦
唔夠人打都走啦
邊有人訓係地下俾人打多幾野架
你練jor金鐘罩就話任打唔嬲姐
個miss唔止交都唔識打
連基本自衛知識都冇
如果係我地學校訓係地下
即刻俾人起壇囉

尋日補ａ.maths
又遲大到
點知有人仲遲過我同2佬
見到miss yip好惡咁周人
更年期喇梗係
個quiz又死jor,等獻世
呢排成日玩icq
之前好忙同mud點online
依家當然要同班人聯絡下感情啦
廢事d唔知邊個邊個話我唔理佢地啦可～？
不過，d手指又痺咁滯
成日都極速打字

話溫bio.話溫bio.
點知掂都冇掂過
早知就書都唔駛帶返黎啦
下星期四test 喇
星期三又有chem. test
大家睇住我點沈倫啦～

跟住又自言自語先

阿邊個
唔駛咁灰喎
冇人溝你最多我扮住溝你先囉

阿邊個邊個
俾d信心自己
努力溫書啦,溫多幾次就識架喇
最多你唔識咪黎問我囉（如果你搵到我的話....）
不過唔好問我econ.....（我econ.隨時削過你...）
定額收費每六秒一毫（電話費都咁等啦）
童叟無欺，抵到爆
見我同你咁fd
俾多個９折你又點話
嘻嘻～～

阿邊個邊個邊個
係咪先？
咁我多謝你先喎～～
我o個日實洗定塊面俾你下
哈哈哈

阿邊個邊個邊個邊個
咪搞喇 ~好意心領
你都知ｄ人成日都咁多帥哥約架啦
排十世都未到排我啦

阿ｐｉｎｋ
拿～你個名係我diary出現喇
係咪覺得好榮幸先？
費事ｄ人又話我唔提佢啦


蒼之濤ｄ畫面超爆靚呀
靚過軒４好多呀
依家勁想買返軒３玩囉
不過隻年出jor成五年
都唔知邊度有得賣＝_＝


我沈默 你的話也不多

我們之間少了什麼 不說
哎唷

微笑後
表情終於有點難過

握著你的手 問你確定了再走

你淚水往下的掉 說會記住我的好
我也彎起了嘴角 笑.......