去完泰國到而家差不多一個月啦, 期間阿媽生日我地好人齊地同佢食左二次飯, 希望年年都可以咁開心啦.
細佬呢, 放左AL, 入左POLY, 雖然唔係學位, 只係HD, 仲要係佢唔鐘意既Subject.........但係, 我一樣好開心呀, 至少有條路行啦~
呢一個月, 心情都唔係好好, 可能經濟唔好啦, 公司生意好差, 我時不時就怕比人炒, 又怕搵唔到野做, 我真係好想讀英文架, 不過太貴啦, 到而家都只可以諗下囉~ 我希望有一日我可以做到啦, 呀! 我之前去左看紫微斗數呀, 佢話我28歲開始行運架, 不過31-40會大病(cancer?) or 出車禍, 可能會死架, 其實死亡好似一直都好近咁..... 其實都不可盡信, 人一定要靠自己, 要努力上進!
我同家姐一直都想10月去台灣, 但係佢公司又出事啦! 個客唔掂, 同事辭職, 做得野既又好似得返佢一個, 佢好煩啦, 所以話, 都唔知去唔去到囉~唉!到時再諗啦!
又如果我做到明年出埋bonus就走, 都仲有8個月呀, 陰公!! 要等份double pay都要5個月啦, 唉! 不過, 而家工作上左手, 而且我地一向唔OT, 所以都唔係太難受~ 反而有小小享受架, 不過人會懶囉, 真係好鬼懶囉, 懶到我開始有小小驚, 有小小看唔起自己啦............
前面條路......要點行呢?