過去的兩個星期,放了一個悠長假期,感覺就好似以前放暑假咁,當然比以前充實得多啦~

好!得我同大家回顧下過去個兩星期係點架啦...~

8-14/May/09 身處台灣

係H1N1病毒廣泛傳播的情況下,我竟然無懼受感染跑到已有確診患者的台灣(其實我驚到爆架... 因為背負著好多連帶因素,所以唔可以取消行程,唯有焗住出發啦~

我喺澳門機場到台北機場都有全程帶口罩架,所以焗到傻傻地...~

第一日到酒店放下行李後,就去揀禮服......揀到我啊~其實揀到唔緊要,至弊要試架嘛,試到我頭暈暈……因為實在太多款啦~好在有個好好ge助理,佢真係幫左我好多架,你知架啦,我好奄尖架嘛……話唔鍾意就唔鍾意,話鍾意又好猶豫個隻囉,所以真係好感激助理妹妹ge耐心服務架!!!我揀完就到小朱揀,小朱揀就快lu~~~

揀完晒衫,都已經係夜晚十點幾lu…..其實都可以早d走ge,只怪個日好多人嚟揀衫同揀相啦~~~之後去師大夜市食嘢.

由於第一日揀衫揀得太夜ge關係,造型師已經收左工,所以第二日要八點鐘同造型師傾造型……眼瞓到啊~~~傾完要返酒店瞓返陣先可以出去.

第二日ge行程係摩天輪~YAHOOOO……時係澳門見個個紙紮摩天輪就見得多啦,個個真係假架嘛~~~~今次真到&坐到真正的摩天輪,好開心啊,係假ge……驚先係真ge!摩天輪轉到最高ge時候,停左喎~唔係壞咗呀……心諗我唔洗喺最高處睇咁耐風景架,快d轉返我落去啦~~~終於轉返我落去,著地ge感覺真好!夜晚例牌都係去夜市啦……

第三日,精彩囉~~~

八點化妝,差唔多十點開始影相,先影一個studio造型,因為我揀左一條黑色短裙ge關係,同埋我覺得黑色唔係好襯色彩斑斕ge自然風光外景~

十一點幾出外景,先到陽明山呢個熱門影點,都good架!有樹林,山景,湖景,草地…….再去農場影花海,都有好多種唔多ge花架,又有白鋼琴,又有風車屋……最後梗係唔少得日落ge海邊啦~

影到六點幾……回程ge時候仲差d發生交通意外添呀,有架的士唔知個司機係打瞌睡定係飲醉酒,drive到架車好像舞龍咁,係公路上S形行駛,我地架車差d撞上中間條壆度,後面仲有好多車架,真係超危險!好在我地個司機技術好,攞d位岩岩好,係中間修壆旁邊駛過,又唔怕畀個架的士同其他車撞到……真係執返身彩~

佢地諗住我淨係影一個studio造型,但係我堅持一定要有一套婚紗係studio度影,佢地都無問題,影到八點幾九點,終於影完啦~~~嗰陣時都仲未識累,返到酒店洗完頭沖完涼,開始累啦,條頸梗晒,總之成個人累到散咁滯,但係又約左攝影師佢地出去食飯喎,出到去,我累到無晒反應,又無胃口食嘢,又眼瞓……頂到十二點幾,終於可以酒店瞓啦~~~ 

影相ge過程都幾好玩架,換好多套衫,好多個造型,真係好多謝造型師認真幫我諗唔同ge造型襯唔同ge衫~攝影師梗係功不可沒啦,佢風趣搞笑,動作唔太公式化,I like~

第四日中午,有得揀相啦,我地影左四百幾五百張相,畀左三百幾張我地揀,由於之前 “慳得一蚊得一蚊”計劃未能成功慳到好多錢,所以無揀勁多相~佢地話我地如果揀多五十張,送晒三百幾張相畀我地,但係基於有d實在唔靚ge關係,所以都無咁做,雖然真係好抵咁……(回想嗰時,如果畀我揀多次,我諗我會揀多十張八張架……)

p.s. 我電咗頭髮啦~~~