今日心情奇差呀,因為今日原本plan定嘅節目完全係我意料之外呀,實在令到我太down喇,本來自己都唔覺得自己冇mood架,因為返工時我依然可以做到"笑面迎人"嘛,但係tea time時,竟然有個同事對我講:'你今日好冇mood喎'........當時我心諗>>好嘢喎,咁都睇得出!!不過當時我並冇否認囉.....

未放工時我已經決定咗今晚唔去番學喇,番屋企訓覺好過,不過放咗工我就去咗又一城行咗陣街,想睇下有咩生日禮物同聖誕禮物買,點知係毫無頭緒,可能連行街都冇乜心機啩,好快我就走咗lu

果然今日真係冇運行呀,番到屋企冇耐我有個fd打嚟同我講話星期日bbq會cancel,原因係某一個人唔去.......唉......激死我呀,點解因為一個人而cancel個function呢,大家都明知大家好難就到時間出嚟玩,但原因就因為一個人唔去!!!-_-"
雖然最後嘅決定都係如期進行(因為某人又去喎......)但我已經冇咗"期待"那天約會嘅感覺lu,就好似被人挫一挫你嘅等待function嘅感覺,又再一次冇mood喇.........

不過今日我竟然感覺到家人對我嘅重要性呀,唔知大家有冇聽過一個關於一棵樹同一個男孩子嘅故事呢??!!那棵樹就比喻為父母,而那男孩就好似我那樣似的,永遠都係當冇朋友陪一齊食飯時先返家食,本來今日我都係唔係屋企食飯架,但因為唔想返學,所以到下午五點幾鐘先打番去話會返去食,之後我細佬同我講番,媽咪一知道我番去食,就再去街買過d啱我食嘅餸喇........聽完之後都唔知講咩好.......