尋晚放工時有人講笑咁問我放唔放車,點知佢竟然係講真喎,仲等我放工去睇車添,不過雖然我係想換車,但都係出年嘅事丫,而且我仲諗住供完架車先諗換車,加上其他朋友嘅意見,我諗我都係唔賣住喇,希望佢唔好以為我玩佢啦.....

今日放咗工後約咗阿kit出嚟食lunch呀,我地當然係研究緊d錯綜複雜嘅關係啦,好煩呀!!!不過我相信都好快攪得掂嘅!

之後我就要去上堂lu,好慘呀,一入lecture見到個Dr.就覺得佢個格好衰,諗住佢一定係好難頂之人,點知啱啱相反,佢講嘢反而好溫柔,d英文都講得幾好聽,不過佢竟然照notes讀呀,完全冇解釋係咩,唉,又俾我有藉口搵周公喇,一break我就走喇,不過好險呀,我係toilet差d就講錯嘢呀!!因為個Dr.原來都係toilet,好彩冇講落去咋,唔係死梗.........

慘喇,呢排胃口極佳呀,只係知道自己不斷食,係咁食,今日仲走咗去吉之島入咗兩大袋食物,之後上磅睇>>>>>>竟然重咗兩磅呀!!!!!!!!唉,都係食番少d先喇,我唔想到出年夏天時玩迫爆衫呀!!