仲有幾日就農曆新年lu,唔知點解已經有幾年都冇乜感覺,但偏偏係今年又有d feel喎,仲特登走去買新衫過年添......不過呢個農曆年都要番工呀,係年初二先有得放假,都幾好丫,我都幾鐘意新年番工呀,因為冇咁忙嘛!!

上兩個星期放大假呀,第一個星期都過得幾無聊,不過我終於拎左架車去整lu,都好貴呀,好彩有得分期付款,不過都唔知點解係04年一開始就黑到而家呀,全部都係破財嘅黑事,即使去到日本旅行嘅最後一日都要因為搭唔到車而要迫住搭成世人未搭過咁貴嘅taxi,成3萬yen呀!!!!!!!!心都痛埋.......起初hotel個boy都話可能我地要坐兩架taxi,因為我地d行李太多,未必夠擺咁話,聽完之後個心都差d跳咗出嚟,好彩個taxi司機好人咋,佢勉強將我地d行李迫係架車到,唔係都唔知點算呀!!不過今次我認真咁去promise自己嚟緊呢兩年我都唔會再去日本shopping lu,唔知點解突然覺得好厭倦,攞住一筆錢係個邊係咁洗,我倒不如留番d錢係香港慢慢搣好過,而且我今次感覺到有點辛苦同疲倦呀,由一起身就係咁行,除咗lunch同dinner之外,其他時間都係咁shopping,冇坐過,我地仲要分開行呀,我都係自己一個人行,我都好服我自己呀,不過都係好攰,仲辛苦過番工呀陰工!!!所以希望未來兩年都係唔會再去lu,仲有我係唔會俾我d朋友睇死架!!!!不過今次去到日本都算好忍得手呀,好多野睇中都冇即係買,反而仲會諗夠竟值唔值先買!!

呢幾日凍咗好多呀,都好嘅,起碼有番d新年氣氛嘛,不過我尋日走咗去買五盒蘿蔔糕呀,當然唔係自己食晒啦,我仲要分俾我呀爺同我姑姐呀!!希望佢地鍾意食啦!!

聽朝要番工lu,唔知放完大假番去嘅境況會點呢.....