禽日放工比我遇到個變態佬,真係天意,本身我已經轉左坐巴士唔行個條長樓梯,
我係因為有野要去龍翔中心買,所以先行個邊.
就係行條長樓梯個陣,佢一開始就扮晒講電話,跟本係到SAM梗!!
我覺得佢有D鬼鬼鼠鼠的感覺,因為佢行得好埋個女仔,而且個電話又鬼鬼鼠鼠咁羅利羅去,所以我一路都睇實佢,直到入lift我就終於睇到佢真影梗,
於是我更兇狠咁`吸`住佢,我同個女仔咁岩又住埋同一層,個男人仲要跟住佢尾喎,原來個女仔住係我隔離個井(屋村屋民應該明白.)
但我地行相反方向,於是我扮晒野繼續行返屋企.見佢地轉左彎,我就行過去睇下,我就見到......
個女仔開梗門,個變態老就係到影梗,可能佢矮啦,而且個女仔可能又驚啦,所以好似好順利咁影到.......
我即刻走埋去同佢女仔講
我:佢影你裙底(好細聲講,因為得我地兩個女仔,我唔敢大聲指責佢,怕佢發癲 )
女仔:下~~咁衰
我: (佢個反應.....好平淡...唔通佢慣左~~ >o<)
我:咁你自已小心d啦~~
然後我就行開左啦~~我一路行都仲有~吸~實個男人,佢依然扮梗打電話,
這個PK仔,真係打得小.我特登慢慢行,睇住個女仔入屋,我先走左,
返到屋企,叫盛仔出去睇下個變態佬,但佢已經逃之夭夭~~~~

唉~~就係咁,又多一個變態老消遙法外