我地個旅程接近尾聲啦~~今日就約左夜晚去二舅父到食飯,
而下午就係去食沙嗲撈牛河啦....我食唔晒,好味但好濟!
之後我地就坐巴士去左萬客隆,我地今個行程第一次坐巴士,
我就唔係好鍾意坐巴士,因為要同好多人迫埋一齊,雖然香港都係,但個到d人通常無乜禮貌先衰啊嘛.....所以每次都好小坐巴士囉..
萬客隆係一間好大型的超級廣場,咩都有囉,有D似吉之島囉,電器,食物,衫,日用品等等......
去到個到,加強版梗係食得太多野啦...無啦啦急屎...哈哈!!!!!
所以我地就係門口等埋佢啦,一諗起佢個為食樣,就好想笑..^^
我就同盛仔,王小浩一齊行,媽媽就同舅父佢地行....
因為我要睇面膜同衫,費時要佢地等嘛,我一睇都半粒鐘啦..
之後又要坐巴士去我二舅父到,講開去我好二舅個到,都幾搞笑,
每次佢地兩公婆都好客氣,客氣都我驚.....= =
因為每次佢地都會狂夾`食送`比我地食,係真係狂夾啊!!
仲會之後一定有下文,就係甜品同生果啦~~~
今次都唔例外,王小浩同盛仔係最快離開飯臺,
而我就因為好有義氣,所以就要繼續作戰,
而飯後的確有生果食,咁食生果都唔過份,
但竟然仲話要食綠豆沙月餅喎,但盛仔同王小浩就好開心咁食,
頭先又咁話好飽,分明係無義氣啦!!!!!哈哈哈
今日我送左個kitty銀包比細表妹,佢好開心,但我教左佢好耐,
佢先識點打開銀包,(比我估中左....哈哈)
希望佢大個d,可以識多d朋友,唔好再咁孤單啦~~好慘咖!!
我地之後就坐三輪車返屋企啦,依然係我負責講價,勁!!!!
係喎...唔記得表揚下王小浩添,佢今次仲帶埋支細電筒利添啊!
佢話知道大陸d街黑麻麻喎....咁又係啊,我地臨走個陣落樓梯,
無佢支電筒,講真都好難行下!!!